CoronaVirus लॉकडाऊनमध्ये भारतासारखीच सूट दिली; 'या' देशांमध्ये कोरोनाचा धोका वाढला

चीनमध्ये पाच दिवसांच्या काळात पर्यटनाला परवानगी देण्यात आली होती. यामुळे लोकांनी तोबा गर्दी केली होती. तिकडे कोरोनाचे दोन रुग्ण सापडले आहेत.

कोरोना व्हायरसमुळे केंद्र सरकारने लॉकडाऊन तिसऱ्यांदा वाढविताना नागरिकांसाठी सूट दिली आहे. दारुच्या दुकानांसह एकाच रांगेतील पाच अत्यावश्यक नसलेली दुकाने सुरु ठेवण्यात येणार आहेत. यामुळे आज पहाटेपासूनच लोकांच्या रांगा ठिकठिकाणी दिसून येत होत्या.

भारताप्रमाणेच अन्य देशांनीही लॉकडाऊनमध्ये सूट दिली होती. मात्र, या देशांना त्याची किंमत मोजावी लागली आहे.

जगभरातील या मोठ्या लोकसंख्येच्या देशांनी सूट दिल्याने लाखो लोक रस्त्यावर आले होते. यामुळे रविवारी एकाच दिवशी किरोना बाधितांचा आकडा कमालीचा वाढलेला दिसून आला आहे.

चीननंतर जगातील सर्वात मोठी लोकसंख्या असेलेल्या भारतात काल २६०० हून अधिक रुग्ण आढळले आहेत. रशियामध्ये पहिल्यांदाच नवीन रुग्णांचा आकडा १०००० पार पोहोचला आहे.

ब्रिटेनमध्ये मृत्यूंचा आकडा इटलीच्या आकड्याजवळ जाऊन ठेपला आहे. इटलीमध्ये कोरोनाला आवर घालण्यात आला असताना आता युरोपचे नवे केंद्र ब्रिटन बनले आहे.

धक्कादायक म्हणजे ब्रिटनची लोकसंख्या इटलीपेक्षा कमी आहे आणि त्यांच्याकडे महामारीशी लढण्यासाठी पुरेसा वेळही होता.

चीन मीडियानुसार १७ लाख लोक बिजिंगमधील विविध पार्कमध्ये पोहोचले होते. तर शांघायच्या मुख्य पर्यटन केंद्रांमध्ये १० लाखांहून अधिक लोकांनी भेट दिली आहे.

इटलीमध्ये रविवारी १७४ जणांचा मृत्यू झाला. १० मार्चला लॉकडाऊन सुरु झाला होता. त्यानंतरचा हा आकडा सर्वात कमी आहे. पार्क आणि उद्याने आजपासून सामान्य लोकांसाठी उघडण्यात येणार आहेत.

चीनमध्ये पाच दिवसांच्या काळात पर्यटनाला परवानगी देण्यात आली होती. यामुळे लोकांनी तोबा गर्दी केली होती. तिकडे कोरोनाचे दोन रुग्ण सापडले आहेत.

स्पेनमध्ये १४ मार्चला लॉकडाऊन लागू करण्यात आला होता. यामुळे लोक मोठ्याप्रमाणावर बाहेर पडले होते. परंतू त्यांनी सामाजिक दूरीचे नियम पाळले होते.

सर्वात मोठा धोका आता अफगाणिस्तानमध्ये जाणवू लागला आहे. राजधानी काबुलमध्ये पूर्वसूचना न देता ५०० लोकांची कोरोना टेस्ट करण्यात आली. यामध्ये ३० टक्के लोकांना कोरोना झाल्याचे निष्पन्न झाले आहे.

ब्रिटेनमध्ये लॉकडाऊन हटविण्यासाठी पंतप्रधान बोरिस जॉनसन यांच्यावर दबाव वाढू लागला आहे. लॉकडाऊन गुरुवारपर्यंत असणार आहे. मात्र, आजही शेकडो लोकांचा मृत्यू होत आहे.