America: अलास्कामध्ये 8.2 रिश्टर स्केल तीव्रतेचा भूकंप, प्रशानाकडून त्सुनामीचा इशारा
By ऑनलाइन लोकमत | Published: July 29, 2021 04:59 PM2021-07-29T16:59:03+5:302021-07-29T17:03:17+5:30
Alaska Earthquake : मागच्या वर्षी ऑक्टोबरमध्ये अलास्काच्या दक्षिण किनारपट्टीवर 7.5 तीव्रतेच्या भूकंपामुळे त्सुनामी लाटा आल्या होत्या.
अमेरिकेतील अलास्का राज्यात बुधवारी रात्री 11:15 वाजेच्या सुमारास 8.2 रिश्टर स्केलचे भूकंपाचे तीव्र झटके जाणवले. या भूकंपानंतर यूनायटेड स्टेट्स जियोलॉजिकल सर्वे (USGS) ने त्सुनामीचा इशारा दिला आहे.
USGS ने सांगिल्यानुसार, भूकंपाचे केंद्र पेरीविलेपासून 91 किलोमीटर दक्षिण-पूर्वमध्ये होते. पेरीविल अलास्कातील सर्वात मोठे शहर एंकरेजपासून 500 मैलाच्या अंतरावर वसलेले लहानशे गाव आहे. अलास्का सक्रिय पॅसिफिक रिंग ऑफ फायरचा एक भाग आहे.(संग्रहित फोटो)
मागच्या वर्षी ऑक्टोबरमध्ये अलास्काच्या दक्षिण किनारपट्टीवर 7.5 तीव्रतेच्या भूकंपामुळे त्सुनामी लाटा आल्या होत्या. पण, सुदैवाने त्यात कुठलीही जीवितहानी झाली नाही.(संग्रहित फोटो)
तर, मार्च 1964 मध्ये अलास्कात 9.2 तीव्रतेचा भूकंप आला होता. तो उत्तर अमेरिकेतला आतापर्यंतचा सर्वात मोठा भूकंप होता. त्या भूकंपवामुळे एंकरेज परिसर उद्धवस्त झाला होता.
तसेच, त्सुनामीने अलास्काची खाड़ी, अमेरिकेतील पश्चिमी किनारपट्टी आणि हवाईमध्ये खूप नुकसान झाले होते. त्या घटनेत 250 पेक्षा जास्त नागरिकांचा मृत्यू झाला होता.(संग्रहित फोटो)
भूगर्भ शास्त्रज्ञांनी सांगितल्यानुसार बहुतेक भूकंप जमिनीत असलेल्या टेक्टोनिकल प्लेटा हलल्यामुळे येतात. याशिवाय, उल्का कोसळणे आणि ज्वालामुखी उद्रेक, माइन टेस्टिंग आणि न्यूक्लियर टेस्टिंगमुळेही भूकंप येऊ शकतात.(संग्रहित फोटो)
रिश्टर स्केलवर भूकंपाची तीव्रता मोजली जाते. 2.0 किंवा 3.0 तीव्रतेचा भूकंप हलका असतो, तर 6 तीव्रतेच्या भूकंपाला शक्तीशाली म्हटले जाते.
भूकंपाच्या तीव्रतेचा अंदाज त्याच्या केंद्र (एपिसेंटर) मधून निघालेल्या ऊर्जेच्या तरंगातून लावला जातो. या तरंगामुळे शेकडो किलोमीटर दूरपर हदरे बसतात, जमिनीत भेगा पडतात. (संग्रहित फोटो)