आरोग्य विमा पॉलिसी खरेदी करणाऱ्यांसाठी मोठी बातमी, IRDAI कडून नवीन नियम जारी

नवी दिल्ली : विमा नियामक आयआरडीएआयने वेलनेस आणि प्रिव्हेंटिव्ह फीचर्ससाठी नवीन मार्गदर्शक तत्त्वे जारी केली आहेत.

याअंतर्गत विमाधारक हेल्थ सप्लिमेंट्स आणि योग केंद्रांसाठी सवलत कूपन आणि व्हाउचर देऊ शकतात. तसेच, पॉलिसीधारकांसाठी निर्दिष्ट निकषांचे पालन करण्यासाठी रिवार्ड पॉइंट सुद्धा देतात.

तज्ज्ञांच्या मते, चांगले आरोग्य राखण्यासाठी कल्याण महत्वाचे आहे आणि ही मार्गदर्शक तत्त्वे योग्य दिशेने प्रयत्न करत आहेत.

एखाद्याच्या दैनंदिन जीवनात आरोग्यास प्राधान्य देणे आणि प्रतिबंधात्मक आरोग्यदायी उपाय समाविष्ट करणे महत्वाचे बनले आहे.

आरोग्य विमा हा अनपेक्षित रोगांपासून स्वत: चा बचाव करण्याचा एक मार्ग मानला जाणार नाही, उलट तो ग्राहकांच्या दैनंदिन आरोग्याच्या गरजा भाग होईल, असे वाटते.

याअंतर्गत, विमा कंपन्या आरोग्य सप्लीमेंटची खरेदी किंवा योग सेंटर, जिम, स्पोर्ट्स क्लब किंवा फिटनेस सेंटरची सदस्यता घेतल्यास विमाधारकास सवलत कूपन किंवा व्हाउचर देऊ शकतात.

नवीन मार्गदर्शक सूचनांनुसार, या फीचर्स पॉलिसीमधील पर्याय म्हणून किंवा अ‍ॅडऑन (अतिरिक्त) म्हणून देऊ शकतात. मात्र, कोणत्याही विमा उत्पादनामध्ये त्याचा समावेश करून किंवा त्याचा फायदा म्हणून जोडून दिली जाऊ शकत नाही, असेही स्पष्ट केले आहे.

नियामकाने विमा कंपन्यांना विम्याच्या किंमतीवरील या फीचर्सच्या प्रभावाचे मूल्यांकन करण्यास सांगितले आहे आणि अर्जाच्या वेळी त्याचा स्पष्ट उल्लेख ग्राहकांसमोर करण्यास सांगितले आहे.

विमा कंपन्यांना नूतनीकरणाच्या वेळी प्रीमियमवर सवलती (डिस्‍काउंट )आणि सम-आश्वासनाच्या (सम-एश्‍योर्ड) वाढीच्या स्वरूपात प्रोत्साहन देण्याची परवानगी देखील देण्यात आली आहे.

मार्गदर्शक सूचनांनुसार, विमा कंपन्यांना त्यांच्या जाहिरातींमध्ये तृतीय पक्षाचे नाव किंवा लोगो प्रदर्शित करण्यास प्रतिबंधित केले आहे. परंतु ते फक्त सेवांचा संदर्भ घेऊ शकतात. मात्र, कंपन्यांना त्यांच्या वेबसाइटवर फीचर्स सेवांचा उल्लेख करण्यास मान्यता देण्यात आली आहे.