'मी सुद्धा व्हर्जिन नाही' म्हणत नेहा पेंडसेने सर्वांची बोलती केली बंद, पण असं तिला का सांगावं लागलं?

बिग बॉसमध्ये दिसलेली अभिनेत्री नेहा पेंडसे आता 5 जानेवारीला लग्नबेडीत अडकली.

उद्योगपती शार्दुल सिंग बयास याच्यासोबत नेहाने मराठमोळ्या पद्धतीने लग्नगाठ बांधली. तिच्या लग्नाचे फोटो आणि व्हिडीओ सोशल मीडियावर व्हायरलही झाले.

लग्नानंतर एका इंग्रजी वेबसाइटला दिलेल्या मुलाखतीत खुद्द नेहाने तिच्या पतीबद्दल गौप्यस्फोट केलेत आणि सगळ्यांनाच धक्का बसला.

शार्दुल सिंगचे हे तिसरे लग्न असून तो 2 मुलींचा बाप असल्याचा धक्कादायक खुलासा नेहाने केला.

यानंतर काय तर नेहा प्रचंड ट्रोल झाली नेहाने पैशांसाठी लग्न केले, असे काय काय ट्रोलर्सनी तिला सुनावले आणि नेहाचा पारा चढला

ट्रोलर्सला उत्तर देताना नेहा म्हणाली लग्न मोडणे हे आजच्या काळात नवीन नाही. करिअर बनवण्याच्या नादात त्याची दोन्ही लग्न मोडली, ही फार काही मोठी गोष्ट नाही. शादुर्लचा दोनदा घटस्फोट झाला असेल; पण मी सुद्धा काही व्हर्जिन नाही. दोनदा संसार मोडल्यानंतर त्याने माझ्याशी लग्न केलेय. याला हिंमत लागते. खरे तर यासाठी त्याचे कौतुक व्हायला हवे. आम्ही दोघांनीही एकमेकांच्या भूतकाळासह एकमेकांचा स्वीकार केला आहे, असे नेहा म्हणाली

शादुर्लचे पहिले लग्न 10 वर्षांआधी मोडले. यानंतर पाच वर्षांआधी त्याचे दुसरे लग्नही तुटले. लग्न टिकले नाही पण शार्दुल एक चांगला पिता आहे. आपल्या मुलांवर तो प्रचंड प्रेम करतो, असेही नेहा म्हणाली

शाार्दुलला भेटण्याआधी माझे 2-3 रिलेशिप झाले. मात्र ती नाती फार काळ टिकू शकली नाहीत. त्यानंतर मला शार्दुल भेटला. त्याच्याबद्दल सुरुवातीपासून सर्व माहित असूनही मी त्याच्यासोबत लग्न केले याचा मला आनंद आहे, असेही ती म्हणाली

नेहाने मराठी मालिकांमधून अभिनय क्षेत्रात पाऊल टाकले. त्यानंतर हिंदी मालिका ‘मे आय कम इन मॅडम’ या मालिकेतून ती घराघरात पोहोचली. याशिवाय नटसम्राट सारख्या यशस्वी मराठी सिनेमांमध्येही तिने काम केले.