रोहित शर्मा, जरा जपून...!! BCCIने का दिला असा सल्ला? गंभीर-विराट-आगरकर यांचीही होणार बैठक

Rohit Sharma Virat Kohli Gautam Gambhir BCCI, IND vs SA: रोहित शर्मा, विराट कोहली द. आफ्रिकेविरूद्ध तीन वनडे सामन्यांच्या मालिकेत खेळणार आहेत

Rohit Sharma Virat Kohli Gautam Gambhir BCCI, IND vs SA:

दक्षिण आफ्रिकेविरुद्धच्या वनडे मालिकेत रोहित शर्मा आणि विराट कोहली खेळणार आहेत. ही मालिका संपल्यानंतर या दोन्ही दिग्गज खेळाडूंबाबत BCCI एक खास बैठक घेणार असल्याचे वृत्त समोर येत आहे.

BCCIचे अधिकारी मुख्य निवडकर्ता अजित आगरकर आणि गौतम गंभीर यांच्यासोबतही बैठक घेणार आहे. या बैठकीत रोहित आणि विराट २०२७च्या विश्वचषकात खेळतील की नाही हे ठरवले जाईल.

वृत्तानुसार, रोहित-विराटच्या भवितव्याबद्दल चर्चा करण्यासाठी पुढील आठवड्यात द. आफ्रिकेविरूद्ध तिसरी वनडे झाल्यानंतर अहमदाबादमध्ये BCCI कडून ही महत्त्वाची बैठक घेतली जाणार आहे.

मीडिया रिपोर्ट्सनुसार, BCCIच्या एका सूत्राने सांगितले की रोहित आणि विराटसारख्या दर्जाच्या खेळाडूंशी संवाद गरजेचा आहे. त्यांच्या अपेक्षा आणि संघ व्यवस्थापनाच्या त्यांच्याकडून अपेक्षा ही चर्चा महत्त्वाची आहे.

बड्या खेळाडूंकडून संघ व्यवस्थापनाला संघात कोणत्या पद्धतीच्या भूमिका अपेक्षित आहे याची माहिती असणे अत्यंत महत्त्वाचे आहे. याबाबत स्पष्टता असेल तरच संघ चांगला खेळेल असे BCCIचे मत आहे.

याचदरम्यान, BCCIने रोहित शर्माला केवळ त्याच्या फिटनेस आणि कामगिरीवर लक्ष केंद्रित करावे आणि कुठल्याही चर्चांवर प्रतिक्रिया देऊ नये, असा सल्ला दिला आहे.