20व्या षटकात रवींद्र जडेजानं पहिल्या चेंडूवर डीप मिडविकेटच्या दिशेनं षटकार खेचला. त्यानंतर यॉर्कर चेंडूवर पुन्हा त्याच दिशेनं षटकार खेचला. हर्षलनं तिसरा चेंडू फुलटॉस फेकला आणि जडेजानं त्यालाही सीमापार टोलवले. पंचांनी तो नो बॉल दिला अन् फ्री हिटवरही जडेजान डीप मिडविकेटवर षटकार खेचला. त्यानंतर पुढील तीन चेंडूंवर २, ६ व ४ अशा धावा आल्या. जडेजानं या षटकांत ३६ धावा चोपल्या, तर एक नो बॉलमुळे आयपीएलमधील हे सर्वात महागडे ( ३७ धावा) षटक ठरले. जडेजानं २८ चेंडूंत ४ चौकार व ५ षटकार खेचून नाबाद ६२ धावा चोपल्या.
