लॉर्ड्स, आयसीसी वर्ल्ड कप 2019 : इंग्लंडने वर्ल्ड कप जेतेपदाचा दुष्काळ संपवताना अखेर विजयी चषक उंचावला. पण, न्यूझीलंडविरुद्धच्या अंतिम सामन्याचा निकाल हा चौकारांवर लावण्यात आल्यानं सर्वांना आश्चर्य वाटले. निर्धारित 50 षटकांत सामना 241-241 असा, तर सुपर ओव्हरमध्ये 15-15 असा बरोबरीत सुटला होता. केवळ चौकार अधिक म्हणून इंग्लंडला विजयी घोषित करण्यात आले. पण, या स्पर्धेत अनेक युवा खेळाडूंनी आपल्या कामगिरीच्या जोरावर सर्वांचे लक्ष वेधले आहे. यात इंडियन प्रीमिअर लीगच्या फ्रँचायझींचाही समावेश आहे. आगामी आयपीएल स्पर्धेत कोणत्या पाच खेळाडूंवर नजर असेल ते पाहूया...
