आर्यनमुळे शाहरुखने तोडली २० वर्षांपूर्वीची परंपरा?; चाहत्यांनी व्यक्त केली नाराजी

By ऑनलाइन लोकमत | Published: November 4, 2021 10:36 AM2021-11-04T10:36:48+5:302021-11-04T10:46:06+5:30

Shahrukh khan: शाहरुखचा वाढदिवस म्हणजे चाहत्यांसाठी एखादा सण किंवा उत्सवच असतो. त्यामुळे गेल्या कित्येक वर्षांपासून या दिवशी चाहते मन्नत बाहेर येऊन तासनतास शाहरुखची वाट पाहतात.

बॉलिवूडचा किंग खान अर्थात अभिनेता शाहरुख खानने (Shah Rukh Khan) अलिकडेच त्याचा ५६ वा वाढदिवस साजरा केला. दरवर्षी शाहरुखच्या वाढदिवशी चाहते त्याला वेगवेगळ्या माध्यमातून शुभेच्छा देण्याचा प्रयत्न करत असतात.

शाहरुखचा वाढदिवस म्हणजे चाहत्यांसाठी एखादा सण किंवा उत्सवच असतो. त्यामुळे गेल्या कित्येक वर्षांपासून या दिवशी चाहते मन्नत बाहेर येऊन तासनतास शाहरुखची वाट पाहतात.

विशेष म्हणजे शाहरुखच्या वाढदिवशी चाहत्यांनी एक परंपरा सुरु केली होती. आणि. ही परंपरा शाहरुखदेखील दरवर्षी नियमितपणे पार पाडतो.

मागील २० वर्षांपासून चाहते शाहरुखच्या वाढदिवशी मन्नतच्या बाहेर उभे राहतात आणि शाहरुखची एक झलक पाहण्यासाठी धडपड करतात.

शाहरुखदेखील चाहत्यांच्या प्रेमाचा मान ठेवत मन्नतच्या टॉप फ्लोअरवर येऊन त्यांना भेट देतो.

गेल्या २० वर्षांपासून शाहरुख त्याच्या वाढदिवशी मन्नतच्या टॉप फ्लोअरवर येऊन चाहत्यांना हात दाखवून त्यांचे आभार मानतो. परंतु, यावेळी शाहरुखने त्याची ही परंपरा मोडली आहे.

शाहरुखला त्याच्या मुलामुळे आर्यन खानमुळे त्याची ही परंपरा मोडावी लागली आहे. ऑक्टोबर महिन्यात ड्रग्ज पार्टी केल्याप्रकरणी आर्यनला अटक करण्यात आली होती.

आर्यनला अटक झाल्यानंतर शाहरुख प्रचंड चिंताग्रस्त होता. त्यामुळे आर्यनची जामीनावर सुटका झाल्यानंतर शाहरुख सध्या त्याच्यासोबत जास्तीत जास्त वेळ घालवत आहे. मात्र, या काळात तो कुटुंबाव्यतिरिक्त अन्य कोणत्याही गोष्टींकडे फारसं लक्ष देत नाहीये. त्यामुळे यावेळी पहिल्यांदाच तो वाढदिवसाच्या दिवशी चाहत्यांना भेटू शकला नाही.

३ नोव्हेंबर १९६५ मध्ये शाहरुखचा दिल्लीत जन्म झाला असून किंग खान आज बॉलिवूडमधील लोकप्रिय अभिनेता म्हणून ओळखला जातो.

'बाजीगर', 'दीवाना', 'दिलवाले दुलहनिया ले जाएंगे', 'मैं हूं न', 'डर', 'ओम शांति ओम' अशा अनेक चित्रपटांमध्ये झळकला आहे.

Read in English