'पुष्पा'नंतर सामंथाने वाढवलं मानधन, इतक्या कोटीत साईन केला ‘यशोदा’ हा नवा सिनेमा

Samantha Ruth Prabhu : सामंथा रूथ प्रभु ही तेलगू सिनेसृष्टीतील महागडी अभिनेत्री. आता तर सामंथा चांगलीच ‘महाग’ झाली आहे.

सामंथा रूथ प्रभु ही तेलगू सिनेसृष्टीतील महागडी अभिनेत्री. आता तर सामंथा चांगलीच ‘महाग’ झाली आहे.

होय, पुष्पा या सिनेमातील तिचं आयटम साँग अन् ‘फॅमिली मॅन 2’मध्ये तिने साकारलेली राजी सगळंच अफलातून. साहजिकच यानंतर सामंथाचे भाव वाढले नसतील तर नवल.

‘फॅमिली मॅन 2’च्या सुपर सक्सेसनंतर सामंथाने तिची पहिली पॅन इंडिया फिल्म ‘यशोदा’ साईन केली आहे. या चित्रपटासाठी सामंथाने तगडी फी वसूल केली आहे.

आधी सामंथा एका सिनेमासाठी 2 कोटी रूपये फी घ्यायची. पण ‘पुष्पा’च्या एकाच गाण्यासाठी तिने 1.5 कोटी घेतले. आता तिने चित्रपटाची फी देखील वाढवली आहे.

बॉलिवूड लाईफने दिलेल्या वृत्तानुसार, यशोदा या चित्रपटासाठी सामंथाने 3 कोटी फी घेतली आहे.

यशोदा हा एक सायन्स फिक्शन थ्रीलर सिनेमा आहे. यात सामंथा लीड रोलमध्ये दिसणार आहे.

यशोधा या चित्रपटाचं बजेट 30 कोटी रूपये असल्याचं कळतंय. हरीश शंकर व हरीश नारायण हे सिनेमाचे दिग्दर्शक आहेत.

सामंथाचा हा सिनेमा तामिळ, तेलगू, हिंदी, मल्याळम आणि कन्नड अशा एकूण 5 भाषांमध्ये रिलीज होणार आहे.