‘दंगल’ गर्ल फातिमा सना शेखला हवंय काम, झाली बेरोजगार!!

Fatima Sana Shaikh : कोरोनामुळे थिएटर्स बंद आहेत. शूटींग बंद आहेत. अशात अनेकांच्या हाताला काम नाहीये. अभिनेत्री फातिमा सना शेख यापैकीच एक.

बॉलिवूडमध्ये स्ट्रगल कुणालाच चुकलेला नाही. पण एक दिवस कोरोना सारख्या विषाणुमुळे हा संघर्ष आणखीच बिकट होईल, याचा विचारही अनेक कलाकारांनी केला नसेन.

पण सध्या हेच चित्र आहे. महामारीमुळे थिएटर्स बंद आहेत. लॉकडाऊनमुळे शूटींग बंद आहेत. अशात अनेकांच्या हाताला काम नाहीये. अभिनेत्री फातिमा सना शेख यापैकीच एक.

होय, दंगल गर्ल फातिमा लॉकडाऊनमुळे बेरोजगार होऊन घरी बसावे लागतेय. अगदी कुणी काम देता का काम, असे म्हणण्याची वेळ तिच्यावर आलीये.

फातिमाचा एक व्हिडीओ सध्या सोशल मीडियावर व्हायरल होतोय़ या व्हिडीओमध्ये ती मुलाखत देताना दिसतेय. या मुलाखतीत सध्या आपल्याकडे एकही प्रोजेक्ट नसल्याचे तिने मान्य केले आहे.

या मुलाखतीत तिला तिच्या आगामी प्रोजेक्ट्सबाबत विचारण्यात आले. यावर सध्या माझ्याकडे कुठलाही नवा प्रोजेक्ट नसल्याचे तिने मान्य केलं.

सध्या मी घरीच आहे़ माझ्याकडे कुठलंही काम नाही. निर्मात्यांना फोन करुन काम मागतेय. आता कदाचित कोरोना संपल्यावर माझी बेरोजगारी दूर होऊ शकेल, असे ती म्हणतेय.

फातिमा सना शेखने बालकलाकार म्हणून आपल्या करियरची सुरूवात ‘इश्क’ चित्रपटातून केली होती. त्यानंतर चाची ४२०, बडे दिलवाले, वन टू का फोर, बिट्टो बॉस व आकाशवाणीमध्ये झळकली आहे.

फातिमाला ‘दंगल’ चित्रपटामुळे लोकप्रियता मिळाली. 2016 साली प्रदर्शित झालेल्या दंगल चित्रपटात फातिमाने गीता फोगटची भूमिका साकारली होती.

लुडो, ठग्स आॅफ हिंदुस्तान, आकाश वाणी, सुरज पें मंगल भारी यांसारख्या अनेक चित्रपटांमध्ये ती झळकली.