IN PICS: पत्नी जेनिफरच्या आठवणीत ढसाढसा रडले होते शशी कपूर, हटके होती लव्हस्टोरी

दिवंगत अभिनेते शशी कपूर आणि जेनिफर केंडल यांची लव्हस्टोरी बॉलिवूडची सर्वाधिक सुंदर लव्हस्टोरी होती.

या लव्हस्टोरीची सुरूवात जितकी सुंदर होती तितकाच अंत दु:खद होता़ जेनिफरच्या निधनानंतर 31 वर्षे शशी कपूर एकाकीपणाचे दु:ख सोसत राहिले. 1984 साली आजच्याच दिवशी म्हणजे 7 सप्टेंबरला जेनिफर शशी कपूर यांना मागे सोडून या जगातून कायमची निघून गेली होती.

जेनिफर तिच्या वडिलांचे नाटक ‘शेक्सपिएराना’च्या निमित्ताने नाटकातील कलाकारांसोबत भारत दौ-यावर आली होती. त्या दरम्यानच तिची शशी कपूर यांच्याशी पहिली भेट झाली होती.

पहिल्या भेटीतच शशी कपूर जेनिफरच्या प्रेमात पडले होते. या पहिल्या भेटीचे रूपांतर पुढे प्रेमात झाले.

त्यावेळी शशी कपूर पृथ्वी थिएटरमध्ये अभिनयाचे धडे घेत होते. त्यानंतर ते जेनिफरसोबत ‘शेक्सपिएराना’च्या टीममध्ये ते सामिल झाले.

जेनिफर थिएटर ग्रुपसोबत सिंगापूरला जाऊन शशीजींनी थिएटरही केले. त्यानंतर या दोघांनी अनेक नाटकांमध्ये एकत्र काम केले.

एका नाटकाच्या शोसाठी उटीला गेले असताना शशी व जेफिफर यांनी लग्नाचा निर्णय घेतला. शशी यांच्या वहिनी गीता बाली त्या क्षणाच्या साक्षीदार होत्या.

1958 साली दोघे लग्नबंधनात अडकले. त्यावेळी शशी कपूर अवघ्या 20 वर्षांचे होते, तर जेनिफर 24 वर्षांची.

1982 साली जेनिफरला कॅन्सर असल्याचे निदान झाले. शशी कपूर यांनी जेनिफरला वाचवण्यासाठी शर्थीचे प्रयत्न केलेत. अगदी मुंबईपासून ते लंडनपर्यंतच्या डॉक्टरांकडून तिच्यावर उपचार केलेत. पण 7 सप्टेंबर 1984 रोजी जेनिफरने जगाचा निरोप घेतला. पत्नीच्या निधनानंतर शशी कपूर एकाकी पडले. त्यांचे हे एकाकीपण त्यांच्या मृत्यूपर्यंत त्यांच्यासोबत राहिले.