IN PICS : शांती ते क्रिकेटच्या मैदानावरची होस्ट...! इतक्या वर्षांत इतकी बदलली मंदिरा बेदी

Birthday Special: बॉलिवूड अभिनेत्री मंदिरा बेदी हिचा आज वाढदिवस.

बॉलिवूड अभिनेत्री मंदिरा बेदी ( (Mandira Bedi ) हिचा आज वाढदिवस. 15 एप्रिल 1972 रोजी जन्मलेली मंदिरा फिल्म इंडस्ट्रीत आली तेव्हा एक साधीभोळी मुलगी होती. आज तिला पाहून कुणीही थक्क होईल. (Mandira Bedi transformation)

वयासोबत तिचे सौंदर्य वाढतेय. फिटनेसच्या बाबतीत तर ती बॉलिवूडच्या बड्या बड्या अभिनेत्रींना टक्कर देते.

छोट्या पडद्यापासून बॉलिवूडपर्यंत आपल्या अभिनयाने प्रेक्षकांना खिळवून ठेवणारी मंदिरा आज पुरती बदलली आहे.

1994 साली दूरदर्शनवरील ‘शांती’ या मालिकेतून मंदिराने करिअरला सुरुवात केली.

शांती या मालिकेनंतर आहट, औरत, घर जमाई, क्योंकि सास भी कभी बहू थी अशा लोकप्रिय मालिकांमध्ये ती झळकली.

पुढे क्रिकेटच्या फिल्डवर तिचा ग्लॅमरस अवतार पाहायला मिळाला. क्रिकेटचे बारकावे समजावणा-या मंदिराचा तो अवतार प्रेक्षकांना चांगलाच भावला होता.

क्रिकेटच्या मैदानातील टीव्ही प्रेजेंटर म्हणून तिने काम केले. यावेळच्या तिच्या साड्यांची प्रचंड चर्चा रंगली होती.

फिगर मेंटेन ठेवण्यासाठी मंदिरा प्रचंड मेहनत घेते. अगदी लग्नानंतर 12 वर्षे यामुळेच तिने मुलं होऊ दिले नाही.

मुलं झाल्याने करिअर संपेल, अशी भीती तिला होती. वयाच्या 39 व्या वर्षी मंदिराने मुलाला जन्म दिला.

गतवर्षी जुलै महिन्यात तिने एका मुलीला दत्तक घेतले.