SEE PICS : अनुराग कश्यपवर लैंगिक शोषणाचा आरोप करणारी पायल घोष आहे तरी कोण?

दिग्दर्शक अनुराग कश्यपवर लैंगिक शोषणाचा आरोप करणारी पायल घोष आहे तरी कोण? जाणून घेऊ या.

अभिनेत्री पायल घोष हिने बॉलिवूड दिग्दर्शक अनुराग कश्यपवर लैंगिक शोषणाचा आरोप केल्याने बॉलिवूडमध्ये खळबळ उडाली आहे.

पायलने सोशल मीडियाच्या माध्यमातून अनुरागवर गंभीर आरोप करत, पंतप्रधान नरेंद्र मोदी यांच्याकडे मदत मागितली आहे. माझ्या सुरक्षेस धोका असल्याचे पायलने म्हटले आहे.

पायलच्या दाव्यानुसार 2014-15 दरम्यान तिची व अनुरागची ओळख झाली होती. अनुरागने दारूच्या नशेत तिच्यासोबत जबरदस्ती करण्याचा प्रयत्न केला होता.

पायल पेशाने एक अभिनेत्री आहे़ तिच्या विकीपीडिया पेजनुसार, 13 नोव्हेंबर 1989 रोजी कोलकात्यात तिचा जन्म झाला.

तिने कोलकात्याच्या स्कॉटिशा चर्च कॉलेजातून पॉलिटिकल सायन्समध्ये पदवी घेतली.

पायलच्या विकीपीडिया पेजनुसार, पायलने अभिनयक्षेत्रात काम करण्यास तिच्या कुटुंबाचा प्रखर विरोध होता. त्यामुळे कॉलेजच्या सुट्टीत पायल कोलकात्यावरून मुंबईला पळून आली होती.

मुंबईत आल्यानंतर तिने एका अ‍ॅक्टिंग स्कूलमध्ये प्रवेश घेतला. वयाच्या केवळ 17 व्या वर्षी तिने अभिनयाची कारकिर्द सुरु केली.

2008 साली Sharpe's Peril या इंग्रजी टेलिफिल्ममध्ये तिने काम केले. यात तिने पश्चिम बंगालच्या एका गावात राहणा-या स्वातंत्र्य सैनिकाच्या मुलीची भूमिका साकारली होती.

एका कॅनडियन चित्रपटातही तिने काम केले. 2009 मध्ये तिने पायनाम या तेलगू सिनेमात काम केले. काही तेलगू व कन्नड सिनेमात यानंतर ती दिसली.

2017 मध्ये पायलने पटेल की पंजाबी शादी या हिंदी सिनेमात काम केले. या सिनेमाद्वारे तिचा बॉलिवूड डेब्यू झाला.

एप्रिल 2020 मध्ये तिने तिच्या इन्स्टाग्राम हँडलवर पोस्ट करत, काम नसल्याचे म्हटले होते. काम नसल्याने आर्थिक तंगीत असल्याचेही तिने पोस्टमध्ये म्हटले होते.

काही दिवसांपूर्वी पायलने सुशांत सिंग राजपूत आपला 4 वर्षे जिम पार्टनर होता, असाही दावा केला होता.