coronavirus : परभणी जिल्ह्यात १५ कोरोनाबाधीतांची भर; रुग्णसंख्या २७६ वर
By लोकमत न्यूज नेटवर्क | Published: July 13, 2020 07:11 PM2020-07-13T19:11:28+5:302020-07-13T19:11:45+5:30
गंगाखेड तालुक्यातील सर्वाधिक आठ रुग्णांचा समावेश
coronavirus : परभणी जिल्ह्यात १५ कोरोनाबाधीतांची भर; रुग्णसंख्या २७६ वर
परभणी : जिल्ह्यात सोमवारी दिवसभरात पंधरा पॉझिटिव्ह रुग्ण आढळले आहेत. त्यामध्ये गंगाखेड तालुक्यातील सर्वाधिक आठ रुग्णांचा समावेश आहे.
दोन दिवसांपासून जिल्ह्यातील कोरोनाबाधित रुग्णांची संख्या झपाट्याने वाढत आहे. गंगाखेड येथे रॅपिड कीटच्या साह्याने तपासणी केली जात आहे. सोमवारी दुपारी ३ वाजेपर्यंत ३१ रुग्णांची रॅपिड किटच्या साह्याने तपासणी करण्यात आली. त्यामध्ये स्टेट बँक ऑफ इंडिया या बँकेतील चार कर्मचारी, हटकर गल्लीतील एक, इसाद येथील एक, आंबेडकर नगर येथील एक आणि देवळे जिनिंग परिसरातील एक असे ८ रुग्ण पॉझिटिव्ह आढळले आहेत. त्याचप्रमाणे परभणी शहरात पाच, जिल्हा कारागृह येथील एक आणि पाथरी तालुक्यातील एक असेच सात रुग्ण कोरोना पॉझिटिव्ह आढळले आहेत. त्यामुळे दिवसभरातील पॉझिटिव्ह रुग्णांची संख्या १५ झाली आहे तर जिल्ह्यातील एकूण कोरोनाबाधित रुग्णांची संख्या २७६ झाली आहे.
