Palghar Mob Lynching: बाळासाहेबांच्या महाराष्ट्रात संतांची हत्या, कल्पनाही करवत नाही; ऑलिम्पिकपटू योगेश्वर दत्तची खंत
By ऑनलाइन लोकमत | Published: April 20, 2020 01:12 PM2020-04-20T13:12:02+5:302020-04-20T13:12:55+5:30
भारताचा माजी सलामीवीर गौतम गंभीर, कुस्तीपटू बबिता फोगाट भारताचा माजी गोलंदाज इरफान पठाण यांच्यासह अनेकांनी या घटनेचा निषेध नोंदवला.
Palghar Mob Lynching: बाळासाहेबांच्या महाराष्ट्रात संतांची हत्या, कल्पनाही करवत नाही; ऑलिम्पिकपटू योगेश्वर दत्तची खंत
Next डहाणू तालुक्यातील कासा पोलीस ठाण्याच्या हद्दीत चोर आल्याच्या संशयाने ग्रामस्थांच्या जमावाने गुरुवारी रात्री तिघांची हत्या केल्याची घटना घडली. यावेळी समजूत घालण्यासाठी आलेल्या पोलिसांवर जमावाने हल्ला केला. या प्रकरणी कासा पोलिसांनी ११० जणांना अटक केली. हा हल्ला गावात चोर आल्याच्या अफवेमुळे झाल्याचे समजते. या घटनेचा देशभरात तीव्र निषेध केला जात आहे. भारताचा माजी सलामीवीर गौतम गंभीर, कुस्तीपटू बबिता फोगाट भारताचा माजी गोलंदाज इरफान पठाण यांच्यासह अनेकांनी या घटनेचा निषेध नोंदवला. त्यात ऑलिम्पिक पदक विजेत्या कुस्तीपटू योगेश्वर दत्त यानेही या घटनेचा निषेध केला. पण, यावेळी त्यानं शिवसेनाप्रमुख दिवंगत बाळासाहेब ठाकरे यांची आठवण काढली.
गेल्या आठवड्यात झालेल्या या हल्ल्यात सुशीलगिरी महाराज (३०), चिकने महाराज कल्पवृक्षगिरी (७०, रा. कांदिवली आश्रम) व चालक नीलेश तेलगडे (३०) या तिघांचा जागीच मृत्यू झाला. तालुक्यातील दिवशी या ग्रामपंचायतमधील गडचिंचले येथे हा प्रकार घडला. मुंबईतील कांदिवली येथून सुरतकडे कारने जाणाऱ्या तिघांना गुरुवारी रात्री १० वाजण्याच्या सुमारास तालुक्यातील गडचिंचले येथे चोर समजून २५० ते ३०० च्या जमावाने रोखले. जमावाने त्यांच्यावर कोयती, कुऱ्हाडी आणि दगडांच्या सहाय्याने हल्ला केला. येथील वनचौकीवर कार्यरत वनरक्षकाने याची माहिती पोलिसांना दिली. तिथे आलेल्या पोलिसांवरही जमावाने हल्ला केला. त्यात चार पोलीस जखमी झाले.
2012च्या ऑलिम्पिक स्पर्धेत 60 किलो वजनी गटात कांस्यपदक जिंकणारा कुस्तीपटू आणि आता भाजपाचा नेता असलेल्या योगेश्वर दत्तनं या घटनेचा निषेध केला. तो म्हणाला,''महाराष्ट्राच्यापालघर जिल्ह्यात पोलिसांच्या समक्ष दोन वृद्ध संतांची निर्घृण हत्या झाली. बाळासाहेबांच्या महाराष्ट्रात संतांची हत्या, याची कल्पनाही करवत नाही.''
महाराष्ट्र के पालघर मे @DGPMaharashtra पुलिस की उपस्थिति मे जूना अखाड़ा के 2 वृद्घ संत जिनका नाम कल्पवृक्ष गिरि ,सुशील गिरि को क्रूरता से मार डाला गया।बाला साहब के महाराष्ट्र मे संतो के साथ जघन्य अपराध की कल्पना भी ना थी @CMOMaharashtra . mob lynching की गयी ।#SaveHinduSantpic.twitter.com/QVKhQClgXV
— Yogeshwar Dutt (@DuttYogi) April 19, 2020
अन्य महत्त्वाच्या बातम्या
मानवी कातडी घालून प्राणी फिरत आहेत; गौतम गंभीरकडून तीव्र शब्दात निषेध
ठाकरे सरकार झोपा काढत आहे का?; बबिता फोगाटची टीका
MS Dhoni चं लक्ष वेधण्यासाठी साक्षीला काय काय करावं लागतंय? पाहा फोटो
संतांची निर्घृण हत्या; भारताचा माजी गोलंदाज इरफान पठाण म्हणतो...