उसेन बोल्टचा रेकॉर्ड मोडणाऱ्या भारतीय धावपटूला मोदी सरकार बोलावणार आणि...

उद्योगपती आनंद महिंद्रा यांनीदेखील त्याची दखल घेतली असून तो देशाला ऑलिम्पिक पदक जिंकवून देऊ शकतो, अशी आशाही व्यक्त केली आहे.

वेगाचा अनभिषिक्त सम्राट अशी बिरुदावली यापूर्वी जमैकाचा धावपटू उसेन बोल्टला दिला जायची. पण आता बोल्टपेक्षा जलद भारताचा एक धावपटू धावतो, असे पाहायला मिळाले आहे. तो धावपटू कर्नाटकमधला असून त्याचे नाव श्रीनिवासन गौडा आहे. उद्योगपती आनंद महिंद्रा यांनीदेखील त्याची दखल घेतली असून तो देशाला ऑलिम्पिक पदक जिंकवून देऊ शकतो, अशी आशाही व्यक्त केली आहे.

हा धावपटू नेमका पाहायला मिळाला कुठे
कर्नाटकमध्ये कंबाला जॉकी ही पारंपरिस स्पर्धा खेळवली जाते. या स्पर्धेमध्ये बैलांच्या जोडीबरोबर धावायचे असते. जो सर्वात कमी वेळात ठराविक अंतर पूर्ण करेल, त्याला विजेता म्हणून घोषित केले जाते. या स्पर्धेत १०० मी. एवढे अंतर श्रीनिवासनने ९.५५ सेकंदांमध्ये पूर्ण केले असून त्याने उसेन बोल्टचा विक्रमही मोडीत काढला आहे.

आनंद महिंद्रांनी घेतली दखल

श्रीनिवासनची महिंद्रा ग्रुपचे अध्यक्ष आनंद महिंद्राची दखल घेतली आहे. आनंद महिंद्रा यांनी त्याचा एक व्हिडीओ शेअर केला आहे आणि लिहिले आहे की, " एकदा तरी या खेळाडूला पाहायला हवे. हा अॅथलेटीक्स सारख्या खेळात मोठी जमल मारू शकतो. आता क्रीडा मंत्री किरण रिजिजू यांनी त्याला ट्रेनिंग द्यावी नाहीतर आम्ही त्याला प्रशिक्षण देऊ. काहीही झालं तरी श्रीनिवासनने सुवर्णपदक जिंकायला हवे." 

मोदी सरकारने काय दिले आश्वासन

आनंद महिंद्रा यांच्या ट्विटला क्रीडा मंत्री किरण रिजिजू यांनी उत्तर दिले आहे. ते म्हणाले की, " कर्नाटकच्या श्रीनिवासनला आम्ही ट्रायलसाठी बोलावणार आहे. 'साई'मधील प्रशिक्षक त्याची ट्रायल घेतील. अॅथलॅटीक्सबाबत भारतामध्ये फार कमी लोकांना जाण आहे. पम आम्ही भारतामधील प्रतिभा वाया जाऊ देणार नाही."

Read in English