"...यांच्यापासून माझी सुटका कर"; पतीमुळे हैराण झालेल्या पत्नीची अभिनेता सोनू सूदकडे साद!

सारेच सोनू सूदचं ट्विटवर कौतुक करताना दिसत आहेत. सोशल मीडियावर सध्या सोनू सूदचाच बोलबाला असल्याचं पाहायला मिळत आहे. 

बॉलिवूड अभिनेता सोनू सूद लॉकडाऊनमधील कामगार आणि गरजूंसाठी मसीहा बनला आहे. लॉकडाऊनच्या काळात सोनू सूद स्थलांतरीत मजुरांच्या मदतीसाठी धावून आला. आतापर्यंत शेकडो परप्रांतीय मजुरांना त्यांच्या घरी सुखरुप पोहोचवण्याचे काम सोनू सूद करतोय. एवढेच नव्हे तर त्यानं मजुरांच्या खाण्यापिण्याची व्यवस्था देखील केलीय.

I have a better plan .. let me send both of you to Goa😂 What say? https://t.co/XbYNFWWflK

— sonu sood (@SonuSood) May 31, 2020

इतकेच नाहीतर केरळमधील एर्नाकुलम येथील एका फॅक्ट्रीमध्ये काम करणाऱ्या जवळपास 177 मुली लॉकडाउनमुळे अडकल्या होत्या. या मुलींची माहिती भूवनेश्वरमध्ये राहणाऱ्या एका व्यक्तीनं सोनूला दिली. त्यानंतर सोनूनं या मुलींना तेथून बाहेर काढण्याचे प्रयत्न सुरु केले. त्यानं सरकारकडून भुवनेश्वर आणि कोच्ची विमानतळ काही वेळासाठी सुरु करण्याची परवानगी घेतली. त्यानंतर सोनूनं बंगळुरुवरुन एक स्पेशल एअरक्राफ्ट मागवून या मुलींना भुवनेश्वरला त्यांच्या घरी सुखरूप पोहोचवलं. अशा परिस्थितीत सारेच सोनू सूदचं ट्विटवर कौतुक करताना दिसत आहेत. सोशल मीडियावर सध्या सोनू सूदचाच बोलबाला असल्याचं पाहायला मिळत आहे. 

दोस्तों, जो भी सेवा हम श्रमिकों के लिए कर रहें हैं वो बिल्कुल निःशुल्क है. आपसे अगर कोई भी व्यक्ति मेरा नाम लेकर पैसे मांगे तो मना कर दीजिए और तुरंत हमें या करीबी पुलिस अफसर को रिपोर्ट कीजिए.❣️

— sonu sood (@SonuSood) May 31, 2020

एका महिलेनं सोनू सूदला केलेल्या एका ट्विटनं सा-यांचं लक्ष वेधून घेतलं आहे. सध्या हे ट्विट तुफान व्हायरल झालं आहे. एका महिलेनं सोनू सूदला ट्विट करून सांगितलं की, ती आपल्या पतीवर नाराज आहे. पतीमुळे ती हैराण झाली आहे. पतीकडून सुटका करावी यासाठी तिनं चक्क सोनू सूदकडेच मदत मागितली आहे. तिनं लिहिलं की, "लॉकडाऊनमध्ये मी माझ्या पतीसह घरात बंदिस्त आहे.  एकतर तू माझ्या नव-याला कुठेतरी सोड किंवा माझी तरी इथून सुटका कर. मला आता माझ्या पतीबरोबर राहायचं नाही." 

या महिलेच्या ट्विटला सोनू सूदनंही असा काय रिप्लाय दिला आहे की, वाचून तुम्हीही हसून -हसून लोटपोट व्हाल. यावर सोनू सूदनं भन्नाट उत्तर दिलं. त्यानं लिहिलं, "तुमच्यासाठी  एक चांगली योजना आहे. मी तुम्हा दोघांना गोव्यात सोडतो...काय वाटते तुम्हाला ."