पंजाब: भाजपला मोठा धक्का! निवडणुकांमध्ये सनी देओल यांच्या मतदारसंघातील सर्व जागांवर पराभव

कृषी कायद्याविरोधात सुरू असलेल्या शेतकरी आंदोलनाचा चांगलाच फटका भारतीय जनता पक्षाला (भाजप) पंजाबमधील स्थानिक स्वराज्य संस्थेच्या निवडणुकांमध्ये बसताना दिसत आहे. सुरुवातीचे कल हाती आले, तेव्हा काँग्रेस आणि शिरोमणी अकाली दल या पक्षांनी जोरदार मुसंडी मारली आहे. भाजप खासदार सनी देओल (sunny deol) यांच्या लोकसभा मतदारसंघात भाजपला मोठा धक्का बसल्याचे सांगितले जात आहे. ( (punjab local bodies election 2021) 

ठळक मुद्देपंजाब स्थानिक स्वराज्य संस्थेच्या निवडणुकांमध्ये भाजपची पीछेहाटखासदार सनी देओल यांच्या लोकसभा मतदारसंघात सर्व जागांवर पराभवअकाली दल, काँग्रेस यांची जोरदार मुसंडी

चंदीगड : कृषी कायद्याविरोधात सुरू असलेल्या शेतकरी आंदोलनाचा चांगलाच फटका भारतीय जनता पक्षाला (भाजप) पंजाबमधील स्थानिक स्वराज्य संस्थेच्या निवडणुकांमध्ये बसताना दिसत आहे. सुरुवातीचे कल हाती आले, तेव्हा काँग्रेस आणि शिरोमणी अकाली दल या पक्षांनी जोरदार मुसंडी मारली आहे. भाजप खासदार सनी देओल (sunny deol) यांच्या लोकसभा मतदारसंघात भाजपला मोठा धक्का बसल्याचे सांगितले जात आहे.  (punjab local bodies election 2021 bjp lost all seats in sunny deol constituency)

शेतकऱ्यांच्या रोषाचे केंद्र ठरलेल्या भाजपला पंजाबमधील स्थानिक स्वराज्य संस्थेच्या निवडणुकांमध्ये मोठा पराभव पत्करावा लागण्याची शक्यता वर्तवली जात आहे. भाजप खासदार सनी देओल यांच्या गुरदासपूर मतदारसंघातील सर्व २९ जागांवर भाजपचा पराभव झाला असून, या जागांवर काँग्रेसचा विजय झाल्याची माहिती मिळाली आहे. 

पंजाबमधील पालिका निवडणुकांमध्ये काँग्रेसचा बोलबाला, मतदारांनी भाजपाला असा कौल दिला

पंजाबमधील निवडणुकांत आतापर्यंतच्या मतमोजणीमध्ये काँग्रेस पहिल्या क्रमांकावर असून, शिरोमणी अकाली दल दुसऱ्या स्थानावर आहे. भाजपाची मोठी घसरण झाल्याचे असून, आम आदमी पक्षानेही काही ठिकाणी विजय मिळवण्यात यश मिळवले आहे, असे समजते. 

अकाली दलासोबतची युती तुटल्यानंतर प्रथमच एकट्याने निवडणूक लढवणाऱ्या भाजपला अनेक ठिकाणी पराभव पत्करावा लागला आहे. मजिठामध्ये १३ पैकी १० जागांवर अकाली दलाने, तरणतारणमधील भिखिविंड नगरपंचायतीमध्ये काँग्रेसने ११ तर अकाली दलाने २ जागांवर विजय मिळवला आहे. राजकोटमधील सर्व १५ जागांवर काँग्रेसने बाजी मारली आहे. जलालाबादमध्ये १७ पैकी ९ जागांवर काँग्रेस विजयी झाली आहे. नंगल, लोहियाँ आणि नूरमहल येथेही काँग्रेसने विजय मिळवला आहे. राजपूरामध्ये २७ जागांवर काँग्रेसने विजय मिळवला आहे. मोगामध्येही काँग्रेस मोठा पक्ष ठरला आहे.