कोरोनाचा नवा व्हेरिअंट अधिक 'चलाख', आरोग्य मंत्रालयानं दिला सावधानतेचा इशारा

देशातील कोरोना प्रादुर्भावाची सविस्तर माहिती केंद्रीय आरोग्य मंत्रालयाचे संयुक्त सचिव लव अग्रवाल यांनी आज पत्रकार परिषद घेऊन दिली. देशात सध्या जवळपास ९ लाख सक्रिय रुग्ण असून २० राज्यांमध्ये सध्या ५ हजाराहून कमी सक्रिय रुग्ण आहेत, असं अग्रवाल यांनी सांगितलं. यासोबत कोरोना रुग्णांचं बरं होण्याचं प्रमाण देखील वाढलं आहे. गेल्या २४ तासांमध्ये देशात १ लाख १७ हजार ५२५ रुग्णांनी कोरोनावर मात केली आहे. 

कोरोनाच्या दैनंदिन रुग्णवाढीमध्ये जवळपास ८५ टक्क्यांची घट नोंदविण्यात आली आहे. कोरोनाच्या पहिल्या लाटेत १ ते १० वर्षांच्या मुलांमध्ये कोरोनाची लागण होण्याचं प्रमाण ३.२८ टक्के इतकं होतं. तर दुसऱ्या लाटेत हेच प्रमाण  ३.०५ टक्के इतकं आढळून आलं आहे. याशिवाय ११ ते २० वयोगटातील मुलांमध्ये कोरोनाचं प्रमाण ८.०३ टक्के इतकं होतं. तर दुसऱ्या लाटेत हेच प्रमाण ८.०५ इतकं आहे. 

देश में 9 लाख के करीब सक्रिय मामले बने हुए हैं। 20 राज्यों में 5,000 से कम सक्रिय मामले हैं। अन्य राज्यों में भी सक्रिय मामलों में कमी आ रही है। रिकवरी दर भी बढ़ रही है। पिछले 24 घंटे में देश में 1,17,525 रिकवरी हुई है: स्वास्थ्य मंत्रालय के संयुक्त सचिव लव अग्रवाल pic.twitter.com/uHjnGejsu9

— ANI_HindiNews (@AHindinews) June 15, 2021

देशात सध्या एकूण २६ कोटींहून अधिक नागरिकांना कोरोना विरोधी लसीचा डोस देण्यात आला आहे. कोरोना विरुद्धच्या लढाईत लसीकरण हे मोठं अस्त्र असल्याचं लव अग्रवाल यांनी सांगितलं. देशातील प्रत्येक नागरिकानं मास्क घालणं, सोशल डिस्टन्सिंगचं पालन करणं या कोरोना संबंधिच्या नियमांचं काटेकोरपणे पालन करावं असं आवाहन करतो, असं अग्रवाल यांनी म्हटलं आहे. यासोबत लांबचा प्रवास टाळण्याचाही सल्ला त्यांनी दिला आहे. 

कोरोना वायरस का नया वेरिएंट 2020 के मुकाबले ज़्यादा चालाक हो गया है। अब हमें ज्यादा सावधानी बरतने की ज़रूरत है। हमें ज्यादा सोशल डिस्टेसिंग का पालन करना होगा। मास्क लगातार पहने रखना होगा। इसके बिना परिस्थिति फिर खराब हो सकती है: डॉ. वीके पॉल, सदस्य- स्वास्थ्य, नीति आयोग pic.twitter.com/F8OOhlyP8L

— ANI_HindiNews (@AHindinews) June 15, 2021

नीति आयोगाचे सदस्य डॉ. व्ही.के.पॉल यांनी कोरोना व्हायरसच्या नव्या व्हेरिअंटबाबत नागरिकांनी जागरुक राहण्याची गरज असल्याचं म्हटलं आहे. "कोरोना विषाणूचा नवा व्हेरिअंट २०२० सालच्या व्हेरिअंटपेक्षा खूप चलाख झाला आहे. त्यामुळे आपल्याला आता जास्त काळजी घ्यावी लागणार आहे. जास्तीत जास्त सोशल डिस्टन्सिंगचं पालन आपल्याला करावं लागणार आहे. मास्कचा जास्तीत जास्त वापर करावा लागणार आहे. नाहीतर परिस्थिती पुन्हा एकदा बिघडू शकते", असा इशारा व्ही.के.पॉल यांनी दिला आहे.