VIDEO: जय श्रीराम म्हणण्याची सक्ती करत जमावाची मारहाण; तरुणाचा मृत्यू
By ऑनलाइन लोकमत | Published: June 24, 2019 08:48 AM2019-06-24T08:48:18+5:302019-06-24T08:53:14+5:30
मारहाणीचा व्हिडीओ सोशल मीडियावर व्हायरल
VIDEO: जय श्रीराम म्हणण्याची सक्ती करत जमावाची मारहाण; तरुणाचा मृत्यू
Next रांची: चोरीच्या संशयावरुन जमावानं केलेल्या जबर मारहाणीत एका मुस्लिम तरुणाचा मृत्यू झाला. झारखंडमधील खारसावन जिल्ह्यात हा प्रकार घडला. या तरुणाला कित्येक तास मारहाण करण्यात आली. त्यानंतर त्याला पोलिसांच्या ताब्यात देण्यात आलं. मात्र गंभीर दुखापत झाल्यानं त्याचा मृत्यू झाला. या तरुणाला झालेल्या मारहाणीचे व्हिडीओ समोर आले आहेत. त्यात त्याला जय श्रीराम म्हणण्यास सांगितलं जात आहे. 'इंडिया टुडे'नं हे वृत्त दिलं आहे.
One more Mob Lynching, Jharkhand.
— Md Asif Khan آصِف (@imMAK02) June 23, 2019
Tabrez Ansari aka Sonu was brutally thrashed by Mob in suspicion of theft.
When he told his name to Mob, then Mob beaten him up brutally, Yesterday he died in Hospital.
Welcome to Modi's Hindu Rashtra 2.0
Part 1
1/n pic.twitter.com/Arw4rkBCnq
जमावानं केलेल्या मारहाणीत 24 वर्षीय तबरेज अन्सारी गंभीर जखमी झाला. 22 जूनला त्याला रुग्णालयात दाखल करण्यात आलं. व्हायरल झालेल्या व्हिडीओमध्ये तबरेजला लाकडी काठीनं मारहाण केली जात असल्याचं दिसत आहे. याशिवाय त्याला 'जय श्रीराम' आणि 'जय हनुमान' म्हणण्यासदेखील सांगितलं जात आहे. 18 जूनला हा संपूर्ण प्रकार घडला. त्यानंतर तबरेजला पोलिसांच्या ताब्यात देण्यात आलं. त्याला न्यायालयीन कोठडीत ठेवण्यात आलं होतं. प्रकृती खालावल्यानं 22 जूनला त्याला रुग्णालयात दाखल करण्यात आलं. मात्र त्याचा मृत्यू झाला. तबरेजच्या मृत्यूनंतर पप्पू मंडलला अटक करण्यात आली. तर अन्य आरोपींचा शोध सुरू आहे.
When Mob came to know that he is Muslim, they forced him to shout Jai Sri Ram and Jai Hanuman and thrashed him brutally.
— Md Asif Khan آصِف (@imMAK02) June 23, 2019
Muslim MPs bullied inside parliament and common Muslim lynched on street in Modi's Hindu Rashtra 2.0
Part 2
2/n pic.twitter.com/8m1qyzdu1r
तबरेज पुण्यात वेल्डर म्हणून काम करत होता. कुटुंबासोबत ईद साजरी करण्यासाठी तो झारखंडला गेला होता. येत्या काही दिवसात त्याचा निकाह होणार होता. 18 जूनला तो दोन व्यक्तींसोबत जमशेदपूरहून निघाला. या दोन व्यक्ती कुठे घेऊन चालल्या आहेत, याची माहिती तबरेजला नव्हती, असं सामाजिक कार्यकर्ते औरंगजेब अन्सारी यांनी 'हफपोस्ट इंडिया'ला सांगितलं. तबरेजची दिशाभूल करुन दोन व्यक्ती त्याला घेऊन गेल्या, असा दावादेखील त्यांनी केला. त्या दोन व्यक्ती अचानक पळून गेल्या आणि जमावानं तबरेजला चोरीच्या आरोपावरुन जबर मारहाण केली, अशी माहिती अन्सारींनी दिली.