सफेद ध्वज आणा अन् मृतदेह घेऊन जा; भारतीय लष्कराचा पाकला प्रस्ताव 

भारतीय लष्कराने जम्मू काश्मीरच्या केरन सेक्टरमध्ये पाकिस्तानी लष्कराच्या डावपेचाला उत्तर देत पाकिस्तानचे 5 ते 7 जवान आणि दहशतवादी मारले.

नवी दिल्ली - भारतीय जवानांकडून मारण्यात आलेल्या दहशतवाद्यांचे मृतदेह पाकिस्तान एलओसी पडून आहेत. भारतीय लष्कराकडून हे मृतदेह पाकिस्तान सेनेला घेऊन जाण्यासाठी प्रस्ताव दिला आहे. भारताने सांगितले आहे की, पाकिस्तानी लष्कराने सफेद झेंडा घेऊन हे मृतदेह घेऊन जावेत. मात्र अद्याप पाकिस्तानकडून कोणतंही उत्तर देण्यात आलं नाही. 

भारतीय लष्कराने जम्मू काश्मीरच्या केरन सेक्टरमध्ये पाकिस्तानी लष्कराच्या डावपेचाला उत्तर देत पाकिस्तानचे 5 ते 7 जवान आणि दहशतवादी मारले. सीमा भागातून भारतात घुसणाऱ्या दहशतवाद्यांच्या प्रयत्नांना भारतीय लष्कराने उधळून लावलं. भारतीय लष्कराच्या कारवाईत जे दहशतवादी मारले गेले त्यांचे मृतदेह सीमेवर पडून आहेत. या मृतदेहावर अंत्यसंस्कार करायचे असतील तर पाकिस्तानी लष्कर हे मृतदेह घेऊन जाऊ शकते. मात्र त्यासाठी त्यांना सफेद झेंडा घेऊन यावं लागेल. 

Indian Army: Have offered Pakistan Army to take over the dead bodies(of 5-7 Pak BAT army regulars/terrorists). Pakistan Army has been offered to approach with white flag and take over the dead bodies for last rites,they are yet to respond. pic.twitter.com/x1mF7yHSyv

— ANI (@ANI) August 4, 2019

भारतीय लष्कराने पुरावे म्हणून मृत दहशतवाद्यांचे फोटोही घेतले आहेत. पाकिस्तानकडून काश्मीरमधील शांतता भंग करण्यासाठी वारंवार प्रयत्न सुरु आहेत. गोळीबारीच्या आडून जैश ए मोहम्मदचे दहशतवादी सीमा भागातून भारतात घुसण्याचा प्रयत्न करत आहेत असं अधिकाऱ्यांनी सांगितले.