Gujarat: विजय रुपाणी-नितीन पटेल नेतृत्वात निवडणूक लढवणार होते; २७ दिवसांत भाजपानं निर्णय बदलला

२०१७ च्या विधानसभा निवडणुकीत भारतीय जनता पार्टीला विजयासाठी अनेक अडचणींचा सामना करावा लागला. तेव्हा विजय रुपाणी हेच मुख्यमंत्री होते.

ठळक मुद्देमध्यंतरीच्या काळात कोरोनामुळे राज्य सरकारच्या कामकाजाबद्दल लोकांच्या मनात प्रश्न उपस्थित झाले.गेल्या अनेक दिवसांपासून पटेल समुदायही भाजपावर नाराज होताभाजपानं विधानसभा निवडणुकीच्या १ वर्ष आधी मुख्यमंत्री चेहरा बदलण्याचा निर्णय घेतला.

अहमदाबाद - गुजरातमध्ये पुढील वर्षी विधानसभा निवडणुका होणार आहेत. परंतु तत्पूर्वी भारतीय जनता पार्टीने(BJP) त्यांचा मुख्यमंत्री बदलला आहे. कुणालाही काही भनक न लागताच गुजरातमध्ये विजय रुपाणी(Vijay Rupani) यांनी मुख्यमंत्रिपदाचा राजीनामा दिला आणि २४ तासांत भूपेंद्र पटेल(Bhupendra Patel) हे राज्याचे नवे मुख्यमंत्री म्हणून पुढे आले.

२७ दिवसांपूर्वीच भाजपानं आगामी २०२२ विधानसभा निवडणूक विजय रुपाणी-नितीन पटेल यांच्या जोडीसोबत लढणार असल्याचं जाहीर केले. नरेंद्र मोदी(Narendra Modi) यांनी जेव्हापासून अहमदाबाद सोडून दिल्लीचं तख्त सांभाळलं आहे. तेव्हापासून गुजरातमध्ये भाजपाच्या नेतृत्वावर संकट येत आहे.

नरेंद्र मोदी यांच्यानंतर आनंदी बेन पटेल यांनी कमान सांभाळली. परंतु त्यांच्याविरोधात लोकांचा आक्रोश वाढला त्यानंतर भाजपाने नेतृत्वात बदल करुन विजय रुपाणी यांच्यावर जबाबदारी दिली. अलीकडेच विजय रुपाणी यांनी मुख्यमंत्री म्हणून त्यांच्या कार्यकाळाची ५ वर्ष पूर्ण केली. १६ ऑगस्ट रोजी गुजरात भाजपाचे प्रदेशाध्यक्ष सी.आर पाटील यांनी आगामी निवडणूक विजय रुपाणी आणि नितीन पटेल यांच्या नेतृत्वात लढणार असल्याचं विधान केले होते. गुजरातमध्ये अनेक दिवसांपासून नेतृत्वाबद्दल प्रश्नचिन्ह उपस्थित केले जात होते. त्यावेळी पक्षाने रुपाणी-पटेल जोडी चांगले काम करत असून बदल करण्याची गरज नाही असं म्हटलं.

२०१७ च्या विधानसभा निवडणुकीत भारतीय जनता पार्टीला विजयासाठी अनेक अडचणींचा सामना करावा लागला. तेव्हा विजय रुपाणी हेच मुख्यमंत्री होते. मध्यंतरीच्या काळात कोरोनामुळे राज्य सरकारच्या कामकाजाबद्दल लोकांच्या मनात प्रश्न उपस्थित झाले. ज्यामुळे रुपाणी यांच्याविरोधात संतापाची लाट पसरली. गेल्या अनेक दिवसांपासून पटेल समुदायही भाजपावर नाराज होता. ही सगळी कारणं पाहता भाजपानं विधानसभा निवडणुकीच्या १ वर्ष आधी मुख्यमंत्री चेहरा बदलण्याचा निर्णय घेतला. पटेल समुदायातील भूपेंद्र पटेल यांना संधी देत समाजाची नाराजी दूर करण्याचा प्रयत्न केला. भाजपाने मागील काही दिवसांत कर्नाटक, उत्तराखंड याठिकाणचे मुख्यमंत्री बदलले. तर आसाममध्ये निवडणुकीनंतर नेतृत्वात बदल केला होता.

भाजपचे धक्कातंत्र कायम

गुजरातचे भावी मुख्यमंत्री म्हणून मनसुख मांडवीय, उपमुख्यमंत्री नितीन पटेल यांसह काही जणांची नावे शर्यतीत होती. भूपेंद्र पटेल यांचे नाव अजिबात चर्चेत नव्हते. अशाच नावाची निवड करून भाजपचे आपले धक्कातंत्र कायम ठेवले आहे. कर्नाटक व उत्तराखंडचे तत्कालीन मुख्यमंत्री अनुक्रमे बी. एस. ये़डीयुरप्पा, तीरथसिंह रावत यांचेही अचानक राजीनामे घेतले होते.