Delhi violence : 'दिल्लीतील हिंसा जिहादी शक्तिंचा पूर्वनियोजित कट', भाजपा नेत्याकडून व्हिडीओ शेअर

खालिद यांच्या या भाषणाचा व्हिडिओ शेअर करत बग्गा यांनी दिल्लीतील हिंसाचाराला

नवी दिल्ली - दिल्लीतीलभाजपा नेते आणि दिल्लीच्या हरी नगर विधानसभेचे भाजपा उमेदवार तजिंदर पाल सिंग बग्गा यांनी दिल्लीतील हिंसाचाराची घटना पूर्वनियोजित होती असे म्हटले आहे. आपल्या ट्विटर अकाऊंटवरुन त्यांनी उमर खालिदचा एक व्हिडीओ शेअर केला आहे. तसेच, जिहादी शक्तींकडून हा कट पहिल्यापासूनच रचण्यात आला होता. 17 फेब्रुवारीचं उमर खालिद यांचं हे भाषण त्याचा पुरावा असल्याचं बग्गा यांनी म्हटलंय. 

अमेरिकेचे राष्ट्राध्यक्ष डोनाल्ड ट्रम्प भारतात आल्यानंतरच दिल्लीतील हिंसाचार भडकला. दिल्लीतील हिंसाचारात राजकीय नेत्यांचा सहभाग असल्याचा आणि तेच जबाबदार असल्याचा आरोप करण्यात येत आहे. भाजपा नेते कपिल मिश्रा आणि आम आदमी पक्षाचे नेते ताहिर हुसैन यांची नावे समोर आली आहेत. आता, जेएनयुतील विद्यार्थी संघटनेचा सदस्य उमर खालिद याच नाव समोर आलं आहे. भाजपा नेते तजिंदलपाल सिंग बग्गा यांनी याबाबतच व्हिडीओ शेअर केला आहे. 

या व्हिडीओत उमर खालिद सीएए आणि एनआरसीविरोधात भाषण देत आहेत. या भाषणावेळी, डोनाल्ड ट्रम्प ज्यादिवशी भारतात येतील, त्यादिवशी आम्ही दिल्लीच्या रस्त्यावर उतरणार, असे खालिदने म्हटले आहे. मोदींचा खरा चेहरा आम्ही ट्रम्प यांच्यासमोर आणू. 24 फेब्रवारी रोजी ट्रम्प भारतात येतील, तेव्हा त्यांना दाखवून देऊन की, मोदी सरकार देशाला वेगळं करण्याचा घाट घालत आहे. महात्मा गांधींच्या विचारांना नष्ट करत आहेत. त्यादिवशी आम्ही भारतीय नागरिक रस्त्यावर उतरणार आहोत. 

जिहादी ताकतों द्वारा ये साजिश पहले ही रच दी गई थी कि जिस दिन डोनाल्ड ट्रंप भारत मे आएंगे उस दिन टुकड़े-टुकड़े गैंग सड़को पर उतरेगा और देश को बदनाम करने की कोशिश करेगा । 17 फरबरी का उमर खालिद का ये भाषण उसी का सबूत है। pic.twitter.com/KH0ZYVn1VR

— Tajinder Pal Singh Bagga (@TajinderBagga) March 2, 2020

खालिद यांच्या या भाषणाचा व्हिडिओ शेअर करत बग्गा यांनी दिल्लीतील हिंसाचाराला तुकडे-तुकडे गँग जबाबदार असल्याचं म्हटलंय. तसेच देशाला बदनाम करण्याचा कट रचल्याचांही आरोप बग्गा यांनी उमर खालिद यांच्यावर केलाय.