CoronaVirus News: तब्बल ५०० कोरोना रुग्णांचा जीव होता संकटात; अखेरच्या काही मिनिटांत घडला चमत्कार

CoronaVirus News: केवळ ४ तास पुरेल इतकाच ऑक्सिजन साठा शिल्लक असताना आरोग्यमंत्र्यांचं ट्विट; रेल्वेमंत्र्यांनी लगेच चक्रं फिरवली

दिल्ली: देशातील कोरोना रुग्णांचा आकडा दिवसागणिक वाढत आहे. देशात दोन आठवड्यांपूर्वी सर्वप्रथम दिवसभरात १ लाखाहून अधिक रुग्ण आढळून आले. त्यानंतर १० दिवसांतच हा आकडा २ लाखांच्या पुढे गेला. आता गेला आठवडाभर देशात दररोज कोरोनाच्या २ लाखांहून अधिक रुग्णांची नोंद होत आहे. अनेक राज्यांमधील आरोग्य यंत्रणा कोसळण्याच्या स्थितीत आहे. ऑक्सिजन, रेमडेसिविरच्या तुटवड्यामुळे कोरोना रुग्णांवर व्यवस्थित उपचार होताना दिसत नसल्याचं चित्र सगळीकडे पाहायला मिळत आहे. 

'मुन्नाभाई'लाही लाजवेल अशी वेळ; कोरोना रुग्ण बेड घेऊन हॉस्पिटलबाहेर आला

दिल्लीतील रुग्णालयांची क्षमता जवळपास संपत आली आहे. अनेक रुग्णालयांमध्ये ऑक्सिजनची कमतरता आहे. दिल्लीतल्या रुग्णालयांमध्ये ऑक्सिजनचा तुटवडा असल्यानं तातडीनं पुरवठा करण्याची विनंती दिल्लीचे आरोग्य मंत्री सत्येंद्र जैन यांनी केंद्रीय रेल्वेमंत्री पियूष गोयल यांना केली. 'जीटीबी रुग्णालयात ५०० रुग्ण ऑक्सिजन सपोर्टवर आहे. केवळ ४ तास पुरेल इतकाच ऑक्सिजन शिल्लक आहे,' असं ट्विट जैन यांनी केलं. ऑक्सिजन वेळेत न पोहोचल्यास मोठा अनर्थ घडण्याची भीती होती.

राज्यात आज रात्रीपासून कडक लॉकडाऊन? जिल्हाबंदी; उद्धव ठाकरे घोषणा करणार

जैन यांच्या ट्विटनंतर काही तासांतच उत्तर प्रदेशच्या मोदीनगरमधून १४ टनांचा ऑक्सिजन टँकर निघाला आणि जीटीबी रुग्णालयाजवळ पोहोचला. उत्तर प्रदेश पोलीस दलाचे २ कर्मचारीदेखील टँकरसोबत होते. ऑक्सिजनचा टँकर पोहोचण्यास उशीर झाला असता, तर अनेक रुग्णांचा जीव संकटात सापडला असता. मात्र ऑक्सिजन टँकर उपलब्ध होऊनही रुग्णालय प्रशासनाकडून ऑक्सिजन सिलिंडर आणण्यासाठी दबाव टाकण्यात येत असल्याची तक्रार अनेक रुग्णांच्या नातेवाईकांनी केली.

 तुमच्या कुटुंबीयाचा, नातेवाईकाचा जीव वाचवायचा असल्यास स्वत: ऑक्सिजन सिलिंडर घेऊन या, असं जीटीबी रुग्णालयाचे कर्मचारी सांगत असल्याची माहिती रुग्णाच्या नातेवाईकांनी दिली. रुग्णालयाच्या डिस्प्ले बोर्डवर आयसीयू बेड आणि ऑक्सिजन बेडचा तपशील देण्यात आला आहे. मात्र तिथे देण्यात आलेल्या माहितीपेक्षा प्रत्यक्षातील स्थिती जास्त भीषण आहे. त्यामुळे रुग्ण आणि त्यांच्या नातेवाईकांचे हाल होत आहेत.