CoronaVirus News : बापरे! 'या' राज्यात शाळा सुरू करणं पडलं महागात; 6 विद्यार्थी कोरोना पॉझिटिव्ह
By ऑनलाइन लोकमत | Published: July 31, 2021 06:01 PM2021-07-31T18:01:06+5:302021-07-31T18:08:21+5:30
CoronaVirus News : कोरोनामुळे आतापर्यंत देशभरात तब्बल 4,23,810 लोकांना जीव गमवावा लागला आहे.
CoronaVirus News : बापरे! 'या' राज्यात शाळा सुरू करणं पडलं महागात; 6 विद्यार्थी कोरोना पॉझिटिव्ह
Next नवी दिल्ली - देशातील कोरोनाग्रस्तांची संख्या 3,16,13,993 वर पोहोचली आहे. गेल्या 24 तासांत कोरोनाचे 41,649 नवे रुग्ण आढळून आले आहेत. तर 593 जणांचा मृत्यू झाला आहे. कोरोनामुळे आतापर्यंत देशभरात तब्बल 4,23,810 लोकांना जीव गमवावा लागला आहे. कोरोनाच्या वाढत्या संसर्गामुळे मार्च महिन्यापासून देशभरातील शाळा आणि महाविद्यालयांना सुट्टी देण्यात आली आहे. कोरोनाचा संसर्ग टाळण्यासाठी आणि विद्यार्थ्यांच्या सुरक्षेच्या दृष्टीने शाळा-महाविद्यालयं बंद ठेवण्याचा निर्णय घेण्यात आला. मात्र आता अनलॉकमध्ये काही ठिकाणी शाळा सुरू करण्यात आल्या आहेत.
हरियाणामध्ये शाळा सुरू केल्यावर कोरोनाचा धोका वाढला आहे. फतेहाबादमध्ये सहा विद्यार्थी कोरोना पॉझिटिव्ह आढळून आले आहेत. या मुलांना सध्या घरी आयसोलेट करण्यात आलं आहे. सरकारी शाळेतील मुलं कोरोना संक्रमित आढळून आली आहेत. विद्यार्थी कोरोना पॉ़झिटिव्ह आढळून आल्यानंतर आता पालकांमध्ये भीतीचे वातावरण निर्माण झाले आहे. अधिकाऱ्यांना पत्र पाठवून सर्व शाळांमधील विद्यार्थ्यांचं सँपल घेण्यास सांगितलं आहे. त्यानंतर अधिकाऱ्यांनी सर्व सरकारी आणि खासगी शाळांना विद्यार्थ्यांची कोरोना चाचणी करण्याचे आदेश दिले आहेत. एका हिंदी वेबसाईटने याबाबतचे वृत्त दिले आहे.
जागतिक आरोग्य संघटनेने डेल्टा व्हेरिएंटबाबत धोक्याचा इशारा दिला आहे. कोरोना लसीकरणाचा वेग वाढवला नाही तर डेल्टा व्हेरिएंट अधिक धोकादायक ठरणार असून जीवघेणा होईल असं म्हटलं आहे. डेल्टा व्हेरिएंटमुळे परिस्थिती आणखी बिघडण्यापूर्वी त्याचा प्रसार कमी करावा लागेल. डेल्टा एक धोक्याचा इशारा आहे. हा व्हायरस पसरत आहे, पण याचे अधिक धोकादायक रूप समोर येण्यापूर्वी आपल्याला समजून घ्यावा लागेल असं देखील WHO ने म्हटलं आहे. लसीकरण मोहिमेवर अधिक जोर देणं गरजेचं आहे नाहीतर हा धोका खूप वाढेल. त्यामुळेच सप्टेंबरच्या शेवटपर्यंत सर्व देशांनी आपल्या देशातील कमीतकमी 10 टक्के लोकसंख्येचं लसीकरण करणं गरजेचं आहे असं आवाहन WHO ने केलं आहे.
CoronaVirus Live Updates : भय इथले संपत नाही; लसीकरण झालेल्या लोकांनाही आहे धोका; रिसर्चमधून खुलासा#Corona#CoronaVirusUpdates#CoronavirusPandemic#coronavirus#DeltaVarianthttps://t.co/jr4PYD0yag
— Lokmat (@MiLOKMAT) July 31, 2021
कोरोना लसीकरणाचा वेग वाढला नाही तर जीवघेणा होऊ शकतो Delta Variant; WHO चा धोक्याचा इशारा
जागतिक आरोग्य संघटनेचे अध्यक्ष डॉ. टेड्रॉस यांनी याबाबत भाष्य केलं आहे. आतापर्यंत, चार चिंताजनक कोरोना व्हायरसचे प्रकार समोर आले आहेत आणि व्हायरस पसरत राहिल्याने आणखी येत राहतील. डब्ल्यूएचओच्या सहापैकी पाच क्षेत्रांमध्ये, गेल्या चार आठवड्यांत सरासरी संसर्ग 80 टक्क्यांनी वाढला आहे असं टेड्रॉस यांनी म्हटलं आहे. मायकल रायन यांनी जरी डेल्टाने अनेक देशांना हादरवून टाकले असले तरी, त्याचा प्रसार नियंत्रणात आणण्यासाठी उपाय अजूनही आहेत. विशेषतः सोशल डिस्टसिंग पाळणे, मास्क घालणे, हाताची स्वच्छता याद्वारे डेल्टाचा प्रसार टाळता येऊ शकतो असं म्हटलं आहे. कोरोना व्हायरस वेगाने वाढतच आहे. कोरोनाला रोखण्यासाठी हे उपाय अजूनही काम करत आहे, पण आपल्याला आधीपेक्षा अधिक कार्यक्षम आणि अधिक प्रभावीपणे हे उपाय अंमलात आणण्याची गरज आहे" असं देखील रायन यांनी म्हटलं आहे.
CoronaVirus Live Updates : चिंताजनक! "वेळीच नियंत्रण मिळवा अन्यथा…"; कोरोनाच्या 'डेल्टा व्हेरिएंट'ने वाढवलं टेन्शन#coronavirus#CoronaVirusUpdates#CoronavirusPandemic#CoronaVaccine#WHOhttps://t.co/DcXzsgwdB3
— Lokmat (@MiLOKMAT) July 31, 2021