Narmadaben Modi : पंतप्रधान नरेंद्र मोदी यांच्या काकी नर्मदाबेन यांचं कोरोनाने निधन
By ऑनलाइन लोकमत | Published: April 27, 2021 08:04 PM2021-04-27T20:04:40+5:302021-04-27T20:24:57+5:30
PM Narendra Modi's Aunt Narmadaben Modi Dies During Covid-19 Treatment : पंतप्रधान नरेंद्र मोदी यांच्या काकी नर्मदाबेन मोदी यांचं कोरोनामुळे निधन झालं आहे. अहमदाबादच्या एका रुग्णालयात त्यांच्यावर उपचार सुरू होते.
Narmadaben Modi : पंतप्रधान नरेंद्र मोदी यांच्या काकी नर्मदाबेन यांचं कोरोनाने निधन
नवी दिल्ली - देशातील कोरोनाग्रस्तांची संख्या वाढली असून रुग्णांचा आकडा 1,76,36,307 वर पोहोचला आहे. गेल्या 24 तासांत कोरोनाचे 3,23,144 नवे रुग्ण आढळले आहेत. तर 2771 जणांचा मृत्यू झाला आहे. कोरोनामुळे आतापर्यंत देशभरात तब्बल 1,97,894 लोकांना आपला जीव गमवावा लागला आहे. याच दरम्यान पंतप्रधान नरेंद्र मोदी (PM Narendra Modi) यांच्या काकी नर्मदाबेन मोदी (Narmadaben Modi) यांचं कोरोनामुळे निधन झालं आहे. गेल्या 10 दिवसांपासून अहमदाबादच्या एका रुग्णालयात त्यांच्यावर उपचार सुरू होते.
नर्मदाबेन मोदी या 80 वर्षांच्या होत्या. अहमदाबादमधील न्यू रानीप परिसरात त्या आपल्या मुलांसमवेत राहात होत्या. त्यांचे पती जगजीवनदास मोदी हे पंतप्रधान नरेंद्र मोदींचे वडील दामोदरदास मोदी यांचे सख्खे बंधू होते. जगजीवनदास यांचं अनेक वर्षांपूर्वी निधन झालं आहे. नरेंद्र मोदी यांचे लहान भाऊ प्रल्हाद मोदी यांनी याविषयी माहिती दिली आहे. नर्मदाबेन या दहा दिवसांपासून कोरोनाने आजारी होत्या आणि रुग्णालयात उपचार घेत होत्या असं म्हटलं आहे. एका हिंदी वेबसाईटने याबाबतचे वृत्त दिले आहे.
Prime Minister Narendra Modi's aunt Narmadaben Modi, who was undergoing treatment for coronavirus infection, dies at a hospital in Ahmedabad
— Press Trust of India (@PTI_News) April 27, 2021
