मुख्यमंत्र्यांनी मला 'तू चीज बडी है मस्त-मस्त' म्हटलं, राज्यपालांचा गंभीर आरोप

राज्यपाल धनखार यांनी ममता बॅनर्जी यांच्यावर अपशब्द बोलल्याचा आरोप केला आहे.

मुंबई : पश्चिम बंगालचे राज्यपाल जगदीप धनखार आणि मुख्यमंत्री ममता बॅनर्जी यांच्यातील वाद काही संपता संपत नाही. त्यात आता राज्यपाल धनखार यांनी ममता बॅनर्जी यांच्यावर अपशब्द बोलल्याचा आरोप केला आहे. ममता बॅनर्जी यांनी माझ्यासाठी 'तू चीज बडी है मस्त मस्त' असे शब्द वापरले असल्याचे धनखार म्हणाले आहे. धनखार यांनी ट्वीटच्या माध्यमातून हे गंभीर आरोप केले आहेत.

एका बांगला वृत्तपत्राने प्रसिद्ध केलेली बातमी ट्वीटरवर शेअर करताना धनखार म्हणाले आहे की, या बातमीत उल्लेख केल्याप्रमाणे ममता बॅनर्जी यांनी माझे नाव न घेता, 'तू चीज बडी है मस्त मस्त' असे म्हंटले आहे. मात्र मी याचं उत्तर देणं योग्य वाटत नाही कारण मी त्या पदाचा मान राखतो. असे राज्यपाल जगदीप धनखार म्हणाले आहे.

Sungbad Pratidin daily on 27/11 carried this story (narrated to me by several others) as regards the Constitution Day at Assembly. Hon’ble CM for Governor said “तू चीज़ बड़ी है मस्त मस्त”. I refrain from any response given the personal regard for her and the office she holds. pic.twitter.com/KoyAolgur2

— Jagdeep Dhankhar (@jdhankhar1) November 27, 2019

याशिवाय राज्यपाल धनखार यांनी आणखी एक ट्विट केलं आहे. यामध्ये एक व्हिडिओ शेअर करण्यात आला आहे. यात मुख्यमंत्री ममता बॅनर्जी संविधान दिवसाच्या कार्यक्रमाच्या समारोपानंतर माध्यमांशी चर्चा करत आहेत. या ट्विटमध्ये धनखार यांनी म्हटलं की, मी कधी आदर देण्यात कमीपणा केला नाही. माननीय मुख्यमंत्री असले तरी त्यांना आदर दिला.

The video on the Constitution Day would leave nothing to imagination as to what precedence is accorded to the Constitutional Head of State. Time to engage in introspection and not in disinformation. pic.twitter.com/Cjzty4qDHM

— Jagdeep Dhankhar (@jdhankhar1) November 27, 2019