CBI Raid Lalu Prasad Yadav: तुरुंगातून सुटून महिना झाला नाही तोच सीबीआय दारी; लालू प्रसादांच्या घरी सकाळी सकाळीच छापेमारी
By ऑनलाइन लोकमत | Published: May 20, 2022 08:56 AM2022-05-20T08:56:04+5:302022-05-20T10:00:58+5:30
न्यूज एजन्सी एएनआयनुसार सीबीआयने आरजेडीचे सर्वेसर्वा लालू प्रसाद यादव आणि त्यांची मुलीविरोधात भ्रष्टाचाराचा नवीन गुन्हा दाखल केला आहे.
CBI Raid Lalu Prasad Yadav: तुरुंगातून सुटून महिना झाला नाही तोच सीबीआय दारी; लालू प्रसादांच्या घरी सकाळी सकाळीच छापेमारी
Next चारा घोटाळ्यात शिक्षा भोगत असलेल्या लालू प्रसाद यादव यांना गेल्याच महिन्यात जामीन मिळाला आहे. मात्र, आज सकाळी सकाळीच सीबीआयच्या टीमने त्यांच्या निवासस्थानासह १५ ठिकाणी छापे मारण्यास सुरुवात केली आहे. एक टीम राबडी देवींच्या सरकारी निवासस्थानीदेखील पोहोचली आहे. यामुळे बिहारच्या राजकारणात मोठी खळबळ उडाली आहे.
राबडीदेवींच्या घरी आलेल्या टीममध्ये महिला आणि पुरुष अधिकारी आहेत. या टीममध्ये १० अधिकारी आहेत. राबडींच्या घरी कोणालाही येण्यास मज्जाव करण्यात आला आहे.
सीबीआयची टीम इथे कशासाठी आलीय याची माहिती दिली जात नाहीय. तरी देखील सूत्रांनी रेल्वे भरती घोटाळ्याप्रकरणी सीबीआयने छापे टाकल्याचे सांगितले आहे. लालू प्रसाद जेव्हा रेल्वेमंत्री होते तेव्हाचे प्रकरण आहे, अद्याप यावर अधिकृत खुलासा झालेला नाही.
Central Bureau of Investigation registers a fresh case of corruption against RJD Chief Lalu Yadav and his daughter. Raids are underway at 17 locations in Delhi and Bihar related to Lalu Yadav: Sources
— ANI (@ANI) May 20, 2022
(Visuals from Patna, Bihar) pic.twitter.com/qiil99Lpau
न्यूज एजन्सी एएनआयनुसार सीबीआयने आरजेडीचे सर्वेसर्वा लालू प्रसाद यादव आणि त्यांची मुलीविरोधात भ्रष्टाचाराचा नवीन गुन्हा दाखल केला आहे. लालू यांच्या या नव्या प्रकरणी दिल्ली ते बिहार असे एकूण १७ ठिकाणी छापेमारी सुरु आहे.