तरुणीचा पाठलाग करणं भाजपा नेत्याला पडलं महागात, नातेवाईकांनी धू-धू धुतलं, Video व्हायरल

महिनाभरापासून भाजपाचा नेता तरुणीचा पाठलाग करत होता. तसेच आपल्याशी मैत्री कर असं सांगत तिला त्रास देत होता.

कानपूर - कोरोनाच्या संकटात अनेक धक्कादायक घटना समोर येत आहेत. अशीच एक घटना उत्तर प्रदेशच्या कानपूरमध्ये घडली आहे. तरुणीचा पाठलाग करणं एका भाजपा नेत्याला चांगलंच महागात पडलं आहे. महिनाभरापासून भाजपाचा नेता तरुणीचा पाठलाग करत होता. तसेच आपल्याशी मैत्री कर असं सांगत तिला त्रास देत होता. मात्र जेव्हा तरुणीना हा संपूर्ण प्रकार घरी सांगितला तेव्हा तिच्या नातेवाईकांनी त्याची यथेच्छ धुलाई केली आहे आणि पोलिसांच्या ताब्यात दिलं आहे. 

मिळालेल्या माहितीनुसार, मनीष पांडेय असं या भाजपाच्या नेत्याचं नाव असून तो कल्याणपूर भाजपा सेक्टरचा अध्यक्ष असल्याचं म्हटलं जात आहे. गेल्या एक महिन्यापासून मनीष तरुणीचा पाठलाग करत आहे. तरुणीला त्रास देत होता. शेवटी तरुणीने याबाबत घरच्यांना माहिती दिली. कुटुंबीयांनी मनीषला बोलावले आणि चपलेने त्याची धुलाई केली आहे. त्याला मारहाण करतानाचा एक व्हिडीओ सोशल मीडियावर जोरदार व्हायरल होत आहे. 

पोलीस करताहेत अधिक तपास

मनीषची धुलाई केल्यानंतर तरुणीच्या कुटुंबीयांनी या घटनेची माहिती पोलिसांना दिली. पोलीस घटनास्थळी दाखल झाले आणि त्यांनी भाजपाच्या या नेत्याला ताब्यात घेतलं आहे. "तरुणीला भेटण्यासाठी गेलो होतो. गेल्या काही दिवसांपासून तिच्याशी बोलणं सुरू होतं. मात्र अचानक हे सगळं झालं आहे. कोणीतरी मुद्दाम या लोकांना भडकवलं आहे" अशी माहिती मनीषने पोलिसांनी दिली आहे. पोलीस या प्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे.

विकृतीचा कळस! कोविड सेंटरमध्ये नेण्यासाठी रुग्णवाहिका आली पण रस्त्यात....https://t.co/dJjrL570TV#Rape#Crime#coronavirus#CoronavirusIndia

— Lokmat (@MiLOKMAT) September 6, 2020

 

माणुसकीला काळीमा! कोरोना पॉझिटिव्ह तरुणीवर रुग्णवाहिकेत बलात्कार

कोविड सेंटरमध्ये नेण्यासाठी आलेल्या रुग्णवाहिकेत कोरोना पॉझिटिव्ह तरुणीवर बलात्कार झाल्याचा भयंकर प्रकार समोर आला आहे. काही दिवसांपूर्वी केरळच्या पटनमिट्टामध्ये ही धक्कादायक घटना घडली. एका रुग्णवाहिकेत चालकानेच 19 वर्षीय कोरोना पॉझिटिव्ह तरुणीवर बलात्कार केल्याची घटना समोर आली. या घटनेमुळे परिसरात एकच खळबळ उडाली असून नागरिकांमध्ये संतापाचे वातावरण निर्माण झाले आहे. बलात्कारानंतर आरोपीने तरुणीला कोविड सेंटरमध्ये सोडले आणि तो पसार झाला.

शुद्धीकरणासाठी तरुणीला केलं निर्वस्त्र, 400 लोकांसमोर घातली आंघोळ

राजस्थानाच्या सीकरमध्ये माणुसकीला काळीमा फासणारी एक घटना समोर आली. शुद्धीकरणासाठी एका प्रेमी युगुलाला निर्वस्त्र केल्याचा भयंकर प्रकार समोर आला. या दोघांना जवळपास 400 लोकांसमोर गावात आंघोळ घालण्यात आली. सीकरमधील एका गावात ही लाजिरवाणी घटना घडली. खाप पंचायतीच्या आदेशानंतर प्रेमी युगुलासोबत असं वर्तन करण्यात आलं. गावातील एका तरुण-तरुणीच्या प्रेमसंबंधांचा एक व्हिडीओ व्हायरल झाला होता. त्यामुळे पंचांनी या दोघांचं शुद्धीकरण करण्याचा आदेश दिला. तसेच दंडही ठोठावला. शुद्धीकरण करताना या दोघांना निर्वस्त्र करून जवळपास 300 ते 400 गावकऱ्यांच्या उपस्थितीत आंघोळ घातल्याची धक्कादायक घटना घडली आहे.

कौतुकास्पद! कोरोनाच्या संकटात कल्पनेचं केलं संधीत रुपांतर, 20 जणांना दिला रोजगारhttps://t.co/XSn6d93kN8#AatmaNirbharBharat#NarendraModi#startupindia

— Lokmat (@MiLOKMAT) September 10, 2020

महत्त्वाच्या बातम्या

CoronaVirus News : देशातील रुग्णसंख्येने गाठला नवा उच्चांक, पुन्हा एकदा हादरवणारी आकडेवारी

भारीच! मोदींच्या 'आत्मनिर्भर भारत अभियाना'मुळे बदललं तरुणाचं नशीब, महिन्याला लाखोंची कमाई

"निवडणुकीच्या फायद्यासाठी स्टार सुशांतसिंहला भाजपाने केलं 'बिहारी अभिनेता", काँग्रेसचं टीकास्त्र

CoronaVirus News : चीनने कशी केली कोरोनावर मात?, WHO ने जगाला सांगितलं सत्य

CoronaVirus News : "प्लाझ्मा थेरपी कोरोना रुग्णाचा मृत्यू रोखू शकत नाही", रिसर्चमधून खुलासा