"बाबा रामदेव यांच्याकडे प्रत्येक आजारावर औषध, ते मेलेल्या माणसाला सुद्धा जिवंत करू शकतात’’ राजस्थानच्या मंत्र्यांनी लगावला टोला

बाबा रामदेव हे मेलेल्या माणसालासुद्धा बरे करू शकता, तशा प्रकारचे औषध त्यांच्याकडे असेल, असा टोला राजस्थानचे यूडीएच मंत्री शांती धारीवाल यांनी लगावला आहे.

ठळक मुद्देयोगगुरू बाबा रामदेव यांनी आणलेल्या कोरोनावरील औषधावरून सध्या मोठा वाद पेटलेला आहेबाबा रामदेव यांनी केलेल्या दाव्यावर राजस्थानचे यूडीएच मंत्री शांती धारीवाल यांनी टीका केली आहे बाबा रामदेव यांच्याकडे प्रत्येक आजारावरील औषध उपलब्ध आहे. ते मेलेल्या माणसालासुद्धा जिवंत करू शकतात. त्या प्रकारचे औषधसुद्धा त्यांच्याकडे असू शकते

जयपूर - योगगुरू बाबा रामदेव यांनी आणलेल्या कोरोनावरील औषथावरून सध्या मोठा वाद पेटलेला आहे. अनेक राज्यांनी या ओषधावर बंदी आणली आहे. तसेच आयसीएमआर आणि आयुष मंत्रालयानेही कोरोनिलबाबत कडक भूमिका घेतली आहे. दरम्यान, बाबा रामदेव हे मेलेल्या माणसालासुद्धा बरे करू शकता, तशा प्रकारचे औषध त्यांच्याकडे असेल, असा टोला राजस्थानचे यूडीएच मंत्री शांती धारीवाल यांनी लगावला आहे.

बाबा रामदेव यांनी केलेल्या दाव्यावर टीका करताना राजस्थानचे यूडीएच मंत्री शांती धारीवाल म्हणाले की, ‘’बाबा रामदेव यांच्याकडे प्रत्येक आजारावरील औषध उपलब्ध आहे. ते मेलेल्या माणसालासुद्धा जिवंत करू शकतात. त्या प्रकारचे औषधसुद्धा त्यांच्याकडे असू शकते,’’ दरम्यान, धारीवाल यांचे बाबा रामदेव यांच्या औषधाबाबतचे हे वक्तव्य मोठ्या प्रमाणात व्हायरल होत आहे.

कोरोनाचा संसर्ग पूर्णपणे बरा करणारे कोरोनिल हे औषध आपण तयार केल्याचा दावा बाबा रामदेव यांनी केला होता. त्यानंतर बाबा रामदेव यांच्याबाबत उलटसुलट प्रतिक्रिया उमटत आहेत. बाबा रामदेव यांनी आणलेल्या कोरोनिल या औषधाची  राजस्थानमध्ये वैद्यकीय चाचणी झाली आहे का, यावरूनही आता विवाद सुरू झाला आहे. तत्पूर्वी राजस्थानचे आरोग्य मंत्री रघू शर्मा यांनीही बाबा रामदेव यांच्या औषधाबाबत परखड मत व्यक्त  केले होते.  

बाबा रामदेव यांच्या दाव्यामुळे जगभरता खळबळ उडाली होती. मात्र आता या औषधावरून बाबांच्याच अडचणी वाढताना दिसत आहेत. आतातर या औषधाचे अनावरण करताना बाबांसोबत असलेले निम्स युनिव्हर्सिटीचे मालक आणि चेअरमन बी. एस. तोमर यांनीही बाबांची साथ सोडली आहे. आपल्या रुग्णालयात कोरोनाच्या औषधाची कुठलीही वैद्यकीय चाचणी झाली नसल्याचा दावा त्यांनी केला आहे.   
 

इतर महत्त्वाच्या बातम्या 

योगगुरू ते उद्योगगुरू! एकेकाळी सायकलवरून विकायचे च्यवनप्राश, आता करतात अब्जावधीची उलाढाल

चीनविरोधात सैन्य पाठवण्यामागे अमेरिकेचा हा आहे सुप्त हेतू, या ठिकाणांवरून परिस्थितीवर ठेवलीय नजर

coronavirus: वृद्ध आणि आजारी व्यक्तींनंतर आता कोरोना करतोय तरुणांना टार्गेट, तज्ज्ञांनी दिला धोक्याचा इशारा

coronavirus: कोरोनामुक्त झालेल्या व्यक्तींना भविष्यात करावा लागू शकतो या समस्यांचा सामना

गलवानमध्ये किती सैनिक मारले गेले, सरकारच्या मौनामुळे चिनी नागरिक संतापले

मंगळ ग्रहावरील वस्तीत राहतील किती माणसं? अखेर मिळालं मोठ्या प्रश्नाचं उत्तर

भारतच नाही एकूण २३ देशांच्या भूमीवर दावा, असे आहे चीनचे विस्तारवादी धोरण.... 

ती संधी साधली आणि चीन अमेरिकेला आव्हान देणारी महासत्ता बनली