महिलांचा ईदगाहवर ठिय्या: दिल्लीत शाहीनबाग तर नाशकात ‘सादिक बाग’

By लोकमत न्यूज नेटवर्क | Published: February 22, 2020 07:03 PM2020-02-22T19:03:16+5:302020-02-22T19:07:40+5:30

शाहीनबाग आंदोलनाच्या समर्थनार्थ तसेच सीएए, एनआरसी रद्द करण्याच्या मागणीसाठी संविधान बचाव एकता समितीच्या वतीने महिलांचे ठिय्या आंदोलनाचे (सादिक बाग) आयोजन करण्यात आले आहे

Women held at Eidgah: Shaheenbagh in Delhi and 'Sadiq Bagh' in Nashik | महिलांचा ईदगाहवर ठिय्या: दिल्लीत शाहीनबाग तर नाशकात ‘सादिक बाग’

महिलांचा ईदगाहवर ठिय्या: दिल्लीत शाहीनबाग तर नाशकात ‘सादिक बाग’

Next
ठळक मुद्देरविवारी पुन्हा (दि.२३) महिलांचे ठिय्या आंदोलन‘संविधान के सन्मान में, हम निकले मैदान में

नाशिक : जाती-धर्माच्या भिंती उभारून नागरिकांमध्ये भेदाभेद निर्माण करणारा आणि भारतीय संविधानविरोधी असलेला सीएए कायदा तसेच एनआरसी, एनपीआर या मोहिमा केंद्र सरकारने तत्काळ रद्द कराव्या, या मागणीसाठी दिल्लीच्या ‘शाहीनबाग’च्या धर्तीवर शहरातील शहाजहॉँनी ईदगाह मैदानावर शनिवारी (दि.२२) सकाळपासून महिलांनी ‘संविधान के सन्मान में, हम निकले मैदान में...,’ असे म्हणत एकत्रित येत ‘सादिक बाग’ आंदोलन पुकारले. या आंदोलनात शेकडो बुरखाधारी महिलांनी सहभागी होत सीएए कायद्याविरोधी तीव्र संताप व्यक्त करत निषेधार्थ दिवसभर घोषणाबाजी केली.
शाहीनबाग आंदोलनाच्या समर्थनार्थ तसेच सीएए, एनआरसी रद्द करण्याच्या मागणीसाठी संविधान बचाव एकता समितीच्या वतीने महिलांचे ठिय्या आंदोलनाचे (सादिक बाग) आयोजन करण्यात आले आहे. त्याची सुरुवात शनिवारपासून करण्यात आली.

नागरिकत्व सुधारणा कायदा (सीएए), राष्टÑीय सदस्यता नोंदणी अभियान (एनआरसी) याबाबी कोरोना व्हायरसपेक्षाही गंभीर व घातक असल्याचा घनाघाती आरोप ‘सादिक बाग’मधून यावेळी आंदोलनकर्त्या महिलांनी केला. सीएए कायदा सरकारने रद्द करावा, यासाठी संपूर्ण देशभरातून ‘इन्कलाब जिंदाबाद’चे नारे बुलंद होत आहे, मात्र सरकारला अद्यापही जाग येत नसल्याची टीकाही यावेळी महिलांनी केली. ईदगाह मैदानाच्या प्रवेशद्वारावर महिलांचे ठिय्या आंदोलनाचे फलकासह संविधानाची प्रस्तावना तसेच स्वागत कमान उभारण्यात आली होती. कमानीवर तिरंगा राष्टÑध्वज लावण्यात आला होता. जुने नाशिक, वडाळागाव, नाशिकरोड, देवळाली गाव, सिडको आदी भागांमधून महिला या आंदोलनात सहभागी झाल्या होत्या. आंदोलनकर्त्या महिलांना जेवण, पाणी हे मैदानावर उपलब्ध करून देण्यात आले. तसेच महेबुब-ए-सुब्हानी धर्मार्थ दवाखान्याच्या वतीने आंदोलनाच्या ठिकाणी प्रथमोपचार तपासणी केंद्रही उभारण्यात आले होते. या आंदोलनात आबालवृद्धांनी मोठ्या संख्येने सहभाग घेतला.

हे आंदोलन संध्याकाळी ६ वाजता तात्पुरत्या स्वरूपात संपले. रविवारी पुन्हा (दि.२३) सकाळी १० वाजेपासून संध्याकाळपर्यंत महिलांच्या ठिय्या आंदोलनाला प्रारंभ होणार असल्याचे समितीच्या पदाधिकाऱ्यांनी सांगितले. विचारमंचावरून आलेमा सादेका नुरी, आलेमा सायमा बाजी, निलोफर बाजी, निगारमदिना बाजी, परवीन बाजी, जुलेखा बाजी यांनी उपस्थित महिलांना सीएए,एनआरसीबाबत यावेळी मार्गदर्शन केले. यावेळी महिला पोलिसांचा चोख बंदोबस्त याठिकाणी पुरविण्यात आला होता.
 

Web Title: Women held at Eidgah: Shaheenbagh in Delhi and 'Sadiq Bagh' in Nashik

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.