पॉलिश करण्याचा बनाव अन‌् सोनसाखळीवर डल्ला

By लोकमत न्यूज नेटवर्क | Published: March 11, 2021 11:32 PM2021-03-11T23:32:42+5:302021-03-12T00:53:28+5:30

पंचवटी : दागिने पॉलिश करून देण्याचा बनाव करत दोघा चोरट्यांनी एका वृध्देची सुमारे सव्वालाख रुपये किमतीची ६ तोळ्याचे सोन्याचे मणीमंगळसूत्र असलेली पोत लंपास केल्याची घटना बुधवारी (दि.१०) दुपारी एक वाजेच्या सुमारास म्हसरूळ पोलीस ठाण्याच्या हद्दीतील एरिगेशन कॉलनीसमोर मखमलाबाद शिवारात घडली आहे. याबाबत दोघा चोरट्यांविरुध्द म्हसरूळ पोलीस ठाण्यात गुन्हा दाखल करण्यात आला आहे.

The trick of polishing depends on the gold chain | पॉलिश करण्याचा बनाव अन‌् सोनसाखळीवर डल्ला

पॉलिश करण्याचा बनाव अन‌् सोनसाखळीवर डल्ला

Next
ठळक मुद्देवृध्देची फसवणूक : सव्वा लाख रुपयांचे मंगळसूत्र लांबविले

पंचवटी : दागिने पॉलिश करून देण्याचा बनाव करत दोघा चोरट्यांनी एका वृध्देची सुमारे सव्वालाख रुपये किमतीची ६ तोळ्याचे सोन्याचे मणीमंगळसूत्र असलेली पोत लंपास केल्याची घटना बुधवारी (दि.१०) दुपारी एक वाजेच्या सुमारास म्हसरूळ पोलीस ठाण्याच्या हद्दीतील एरिगेशन कॉलनीसमोर मखमलाबाद शिवारात घडली आहे. याबाबत दोघा चोरट्यांविरुध्द म्हसरूळ पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, स्वामी समर्थ सोसायटी कल्पतरू रो बंगलो येथे राहणाऱ्या कल्पना बाळासाहेब थोरात (६३) यांनी पोलीस ठाण्यात तक्रार दाखल केली आहे.

दुपारी एक वाजेच्या सुमारास २० ते २५ वयोगटातील पांढरा व लव्हेंडर रंगाचा शर्ट परिधान केलेले दोघे संशयित थोरात यांच्या घरी आले व त्यांनी आम्ही सोन्याचांदीचे दागिने पॉलिश करून देतो, असे सांगितले. त्यानंतर त्यांनी थोरात यांचा विश्वास संपादन करून त्यांच्या गळ्यातील सहा तोळे वजनाची सोन्याची पोत पॉलिश करून देण्याच्या नावाखाली त्यांच्याकडून काढून घेतली व हातचलाखी करून थोरात यांची नजर चुकवून सव्वालाख रुपये किमतीची सोन्याची पोत घेऊन पल्सरसारख्या दुचाकीने धूम ठोकली.

भरदिवसा घडलेल्या या घटनेमुळे परिसरात खळबळ उडाली असून पोलीस मिळालेल्या वर्णनावरून चोरट्यांचा उशिरापर्यंत शोध घेत होते; मात्र संशयित पोलिसांना आढळून आले नाहीत.

Web Title: The trick of polishing depends on the gold chain

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.