शाळकरी मुलाचा गळा आवळून निघृण खून

By लोकमत न्यूज नेटवर्क | Published: December 2, 2020 02:00 PM2020-12-02T14:00:02+5:302020-12-02T14:10:50+5:30

प्रवाशी विजय अनिल आव्हाड (२६,केपानगर, सिन्नर) याने आक्षेप घेत त्यांना इकडे कोणत्या रस्त्याने जात आहे? असे विचारले असता त्यांनी कार एका ऊसशेतीच्या मळे परिसरात उभी करुन विजय यास मारहाण करत चाकूचा धाक दाखवून त्याचा मोबाइल, चार हजाराची रोकड हिसकावून घेत त्याच्या हातावर चाकूने वार केला.

Murder by strangling a schoolboy | शाळकरी मुलाचा गळा आवळून निघृण खून

शाळकरी मुलाचा गळा आवळून निघृण खून

Next
ठळक मुद्देजबरी लूटीचा प्रत्यक्षदर्शी असल्याने हत्या झाल्याचा संशयदोघे संशयित पोलिसांच्या ताब्यात

नाशिक : येथील सामनगावरोडवरील एका नऊ वर्षीय मुलाचा निघृणपणे खून करुन त्याचा मृतदेह सिन्नर तालुक्यातील एका नदीकाठावर फेकून अज्ञात मारेकऱ्यांनी पोबारा केल्याची घटना बुधवारी (दि.२) उघडकीस आली. याप्रकरणी नाशिकरोड पोलिसांनी तपासाला गती देत मृतदेहाचा पंचनामा करुन शवविच्छेदनासाठी हलविला आहे.

याबाबत पोलीस सुत्रांनी दिलेली माहिती अशी, सोमवारी दुपारी साडेतीन वाजेच्या सुमारास गाडेकर मळा येथील रामजी लालबाबू यादव (वय९) या मुलाला त्याच्या घराशेजारी राहणाऱ्या एका युवकाने भाजीपाला आणण्याच्या बनाव करुन सोबत घेत नाशिकरोडला ओम्नी कारमधून नेले. नाशिकरोड येथे त्या युवकाचा दुसरा साथीदार कारमध्ये बसला आणि त्यांनी रामजीला खाऊचे प्रलोभन दाखवून कारमध्ये बसवून ठेवले.

यावेळी सिन्नरफाटा येथे सिन्नर जाणाऱ्या एका प्रवाशालाही त्यांनी कारमध्ये बसविले. यानंतर ओम्नी त्यांनी महामार्गाने सिन्नरच्यादिशेने नेण्याऐवजी सामनगाव-एकलहरा रस्त्याने नेली. यानंतर हल्लेखोरांपैकी रामजीच्या घराशेजारी राहणारा युवक रात्री घरी आला असता मुलाच्या आईवडिलांनी त्याला त्यांचा मुलगा कोठे आहे? असे विचारले असता त्याने "मी तुमचा फोन आला तेव्हाच त्याला सायंकाळी घराजवळ आणून सोडले होते" असे सांगितले. घाबरलेल्या आईवडिलांनी नाशिकरोड पोलीस ठाण्यात धाव घेत घडलेला प्रकार कथन केला. यानंतर पोलिसांनी तत्काळ सिन्नर पोलिसांनाही मुलाचा शोध घेण्याबाबत कळविले आणि दोघा संशयितांचा शोध घेत ताब्यात घेतले आहे.? त्यांची कसून चौकशी पोलिसांकडून सुरु आहे.?
----
जबरी लूटीचा गुन्हा लपविण्यासाठी मुलाचा आवळला गळा
प्रवाशी विजय अनिल आव्हाड (२६,केपानगर, सिन्नर) याने आक्षेप घेत त्यांना इकडे कोणत्या रस्त्याने जात आहे? असे विचारले असता त्यांनी कार एका ऊसशेतीच्या मळे परिसरात उभी करुन विजय यास मारहाण करत चाकूचा धाक दाखवून त्याचा मोबाइल, चार हजाराची रोकड हिसकावून घेत त्याच्या हातावर चाकूने वार केला. यावेळी पाठीमागून दुसरे वाहन आल्याने य हल्लेखोरांपनी विजय यास तेथेच सोडून मुलाला घेऊन ओम्नीतून पळ काढला. हा सगळा प्रकार नऊ वर्षीय रामजीसमोर घडल्यामुळे संशयित हल्लेखोरांनी या गुन्ह्याची वाच्यता होऊ नये म्हणून मुलाचाही गळा आवळून खून करत त्याचा मृतदेह सिन्नर पोलिसांच्या हद्दीतील डुबेरे गावाच्या शिवारात एका नदीकाठालगत फेकून दिल्याचा पोलिसांना संशय आहे.

Web Title: Murder by strangling a schoolboy

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.