शासकीय कर्मचाऱ्यांना हातमोज्यांचे वितरण

येथे कोरोनाच्या संसर्ग प्रतिबंधात्मक उपाययोजना म्हणून श्री स्वामी समर्थ महाराज प्रकट दिनाचे निमित्त साधून जनसेवा प्रतिष्ठानच्या वतीने शासकीय कर्मचाऱ्यांना हातमोज्यांचे वितरण करण्यात आले.

इगतपुरी : येथे कोरोनाच्या संसर्ग प्रतिबंधात्मक उपाययोजना म्हणून श्री स्वामी समर्थ महाराज प्रकट दिनाचे निमित्त साधून जनसेवा प्रतिष्ठानच्या वतीने शासकीय कर्मचाऱ्यांना हातमोज्यांचे वितरण करण्यात आले.
घाटनदेवी माता मंदिर व चेकपोस्टवर गस्तीसाठी असलेल्या पोलीस कर्मचारी, तहसील कर्मचारी,तपासणी पथक,डॉक्टर यांना सुरक्षितता बाळगता येईल यासाठी जनसेवा प्रतिष्ठानच्या वतीने तहसिलदार अर्चना पागीरे यांच्या उपस्थितीत हातमोज्यांचे वितरण करण्यात आले. तसेच महावितरणच्या कर्मचा-यांना मोफत मास्कचे वाटप करण्यात आले. या वेळी जनसेवा प्रतिष्ठानचे अध्यक्ष किरण फलटणकर, राजेश परदेशी,अजित बाफना, आकाश खारके,अजित बाफना, आकाश खारके आदी उपस्थित होते.