Maharashtra Election 2019: BJP for dignity, a NCP-Congress existence for the fight | Maharashtra Election 2019 : भाजपसाठी प्रतिष्ठेची, आघाडीसाठी अस्तित्वाची लढाई
Maharashtra Election 2019 : भाजपसाठी प्रतिष्ठेची, आघाडीसाठी अस्तित्वाची लढाई

- कमलेश वानखेडे

नागपूर शहर व जिल्ह्यातील १२ पैकी ११ जागा सद्यस्थितीत भाजपच्या ताब्यात आहेत. आपला गड शाबूत राखण्यासाठी भाजपने कंबर कसली आहे. तर काँग्रेस- राष्ट्रवादीनेही बहुतांश जागी नवे चेहरे देऊन तगडे आव्हान उभे केले आहे. बहुतांश बंडखोरांनी माघार घेतली असून नागपूर दक्षिण व रामटेक मतदारसंघात मात्र भाजप-सेना व काँग्रेसच्या बंडखोरांनी पक्षाच्या उमेदवाराचा ताप वाढविला आहे.
मुख्यमंत्री देवेंद्र फडणवीस नागपूर दक्षिण-पश्चिम मतदारसंघातून रिंगणात आहेत. त्यांना काँग्रेसकडून माजी आ. आशिष देशमुख यांनी आव्हान दिले आहे. मुख्यमंत्री राज्यभर प्रचारात व्यस्त असल्याने भाजपच्या स्थानिक टीमने धुरा सांभाळली आहे. येथे ‘आॅल इज वेल’ असल्याचा त्यांचा दावा आहे.
माजी मंत्री अनिल देशमुख नितीन राऊत व काँग्रेसचे शहर अध्यक्ष विकास ठाकरे यांची प्रतिष्ठा पणाला लागली आहे. देशमुखांना काटोलमध्ये भाजपचे चरणसिंग ठाकूर तर राऊत यांना भाजपचे आ. मिलिंद माने टक्कर देत आहेत. भाजपचे आ. सुधाकर देशमुख यांच्यासमोर काँग्रेसचे विकास ठाकरे ठाकले आहेत. या तिन्ही जागांवर काट्याची टक्कर पहायला मिळेल.
दक्षिण नागपुरात भाजपचे आ. मोहन मते, काँग्रेसचे गिरीश पांडव व अपक्ष प्रमोद मानमोडे असा तिरंगी सामना आहे. येथे मानमोडे यांनी काँग्रेसची तर बंडखोरी करणारे भाजपचे नगरसेवक सतीश होले व शिवसेनेचे नगरसेवक किशोर कुमेरिया यांनी भाजपची डोकेदुखी वाढविली आहे. पूर्व नागपुरात भाजपचे आ. कृष्णा खोपडे व काँग्रेसचे नगरसेवक पुरुषोत्तम हजारे यांच्यात तर मध्य नागपुरात भाजपचे आ. विकास कुंभारे यांच्याविरोधात युवक काँग्रेसचे बंटी शेळके यांच्यात थेट लढत आहे. येथे हलबा-मुस्लीम मतदारांवर विजयाचे गणित अवलंबून आहे.
सावनेरमध्ये आ. सुनील केदार यांच्यासमोर भाजपचे जिल्हाध्यक्ष डॉ. राजीव पोतदार यांचे कडवे आव्हान आहे. उमरेडमध्ये भाजपचे आ. सुधीर पारवे यांच्याविरोधात काँग्रेसने राजू पारवे यांच्या रूपात नवा चेहरा देऊन रंगत आणण्याचा प्रयत्न केला आहे. हिंगण्यात भाजपचे आ. समीर मेघे व काँग्रेसकडून रिंगणात असलेले माजी आ. विजय घोडमारे यांच्यात थेट लढत आहे.

प्रचारातील प्रमुख मुद्दे
१) भाजपतर्फे शहर व जिल्ह्यातील विकास कामांचा पाढा वाचला जात आहे.
२) देवेंद्र फडणवीस यांना पुन्हा मु्ख्यमंत्री करण्यासाठी भाजप मत मागत आहे.
३) काँग्रेसने बेरोजगारी व शेतकऱ्यांच्या समस्यांचा प्रमुख मुद्दा घेतला आहे.
४) वाढती महागाई व सरकारचे अपयश काँग्रेस जनतेसमोर मांडत आहे.

रंगतदार लढती
पश्चिम नागपुरात भाजपचे आ. सुधाकर देशमुख व काँग्रेसचे शहर अध्यक्ष विकास ठाकरे यांच्यात जुनीच लढत रंगणार आहे.
दक्षिण नागपुरात भाजपचे माजी आ. मोहन मते, काँग्रेसचे गिरीश पांडव व अपक्ष प्रमोद मानमोडे अशी तिरंगी लढत आहे. येथे काँग्रेस व भाजप समोर बंडखोरीचे मोठे आव्हान आहे.
कामठी मतदारसंघात ऊर्जा मंत्री चंद्रशेखर बावनकुळे यांच्या जागेवर भाजपचे टेकचंद सावरकर रिंगणात आहेत. काँग्रेसकडून जि.प.चे माजी अध्यक्ष सुरेश भोयर रिंगणात आहे. या लढाईची जिल्ह्यात चर्चा आहे.
रामटेकमध्ये भाजपचे आ. मल्लिकार्जुन रेड्डी, काँग्रेसचे उदयसिंग यादव व बंडखोरी करीत अपक्ष म्हणून रिंगणात उतरलेले शिवसेनेचे आशिष जयस्वाल यांच्यात तिरंगी लढत होत आहे.


Web Title: Maharashtra Election 2019: BJP for dignity, a NCP-Congress existence for the fight
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.

नागपूर अधिक बातम्या

नागपुरात टक्केवारी घटली, धाकधूक वाढली

नागपुरात टक्केवारी घटली, धाकधूक वाढली

1 hour ago

Maharashtra Assembly Election 2019 : पश्चिम नागपूर :घटलेल्या टक्केवारीत पश्चिमचे गणित : मतदान ४९.६०%

Maharashtra Assembly Election 2019 : पश्चिम नागपूर :घटलेल्या टक्केवारीत पश्चिमचे गणित : मतदान ४९.६०%

2 hours ago

Maharashtra Assembly Election 2019 : उत्तर नागपूर :'उत्तर'मध्ये प्रश्न अनेक : मतदान ५१.११ %

Maharashtra Assembly Election 2019 : उत्तर नागपूर :'उत्तर'मध्ये प्रश्न अनेक : मतदान ५१.११ %

2 hours ago

Maharashtra Assembly Election 2019 : मध्य नागपूर :  ‘मध्य’ साधणार कोण? मतदान ५०.८८ %

Maharashtra Assembly Election 2019 : मध्य नागपूर :  ‘मध्य’ साधणार कोण? मतदान ५०.८८ %

3 hours ago

Maharashtra Assembly Election 2019 : दक्षिण नागपूर  : दक्षिण एक्स्प्रेस स्लो! मतदान ५०.८०%

Maharashtra Assembly Election 2019 : दक्षिण नागपूर  : दक्षिण एक्स्प्रेस स्लो! मतदान ५०.८०%

3 hours ago

Maharashtra Assembly Election 2019 : दक्षिण- पश्चिम नागपूर  : ‘हायप्रोफाईल’ मतदारसंघातच घट : मतदान ५०.३७%

Maharashtra Assembly Election 2019 : दक्षिण- पश्चिम नागपूर  : ‘हायप्रोफाईल’ मतदारसंघातच घट : मतदान ५०.३७%

3 hours ago