उपराजधानीच्या जावयाचे उत्तुंग यश

सर्वोच्च न्यायालयाचे जेष्ठ वकील मुकुल रोहटगी यांची देशाच्या

नागपूूर : सर्वोच्च न्यायालयाचे जेष्ठ वकील मुकुल रोहटगी यांची देशाच्या ‘अँटॉर्नी जनरल’पदी नियुक्ती झाल्याने उपराजधानीची मानदेखील उंचावल्या गेली आहे. देशातील अनेक गाजलेल्या खटल्यांना यशस्वीपणे लढविणारे रोहतगी यांचे नागपूरशी विशेष ‘कनेक्शन’

आहे. ते नागपूरचे जावई असून येथील मातीशी त्यांचे ऋणानुबंध राहिले आहेत.

 

उपराजधानीतील नामवंत वकील दिवंगत अँड.जी.एल.सांघी यांच्या ज्येष्ठ कन्या वसुधा या मुकुल रोहटगी यांच्या पत्नी आहेत. अँड.रोहटगी यांनी करिअरमधली सुरुवातीच्या वर्षात सर्वोच्च न्यायालयाचे माजी सरन्यायाधीश वाय.के.सबरवाल यांच्या मार्गदर्शनाखाली काम केले होते. यादरम्यान त्यांनी अनेक खटल्यांत आपल्या कौशल्याने यश मिळविले. माजी सरन्यायाधीश सबरवाल व दिवंगत अँड.जी.एल.सांघी यांचे घनिष्ठ संबंध होते. या दोघांचेही मुकुल रोहतगी यांना वेळोवेळी मार्गदर्शन व सल्ले मिळत गेले.

साधी राहणी, उच्च विचार

देशाचे

‘अँटॉर्नी जनरल’ म्हणून नियुक्ती झालेल्या मुकुल रोहटगी यांना सर्वोच्च न्यायालयाचे वकील म्हणून प्रदीर्घ अनुभव आहे. देशातील अनेक मोठय़ा खटल्यांमध्ये त्यांनी मोलाची भूमिका पार पाडली आहे. परंतु तरीदेखील त्यांना कुठल्याही प्रकारचा अहंकार नाही. अतिशय साधी राहणी असलेल्या रोहतगी यांच्याबद्दल त्यांना भेटणार्‍या सर्वांनाच आदर वाटतो असे मत त्यांच्या संपर्कात आलेल्या वकिलांनी व्यक्त केले.