Coronavirus : मुंबईकरांसाठी दिलासादायक बातमी; चोवीस तासांत कोरोनाबाधितांपेक्षा कोरोनामुक्त रुग्णांची संख्या अधिक

Coronavirus In Mumbai : गुरूवारीही मुंबईत कोरोनामुक्त झालेल्यांची संख्या होती अधिक

ठळक मुद्देगुरूवारीही मुंबईत कोरोनामुक्त झालेल्यांची संख्या होती अधिककोरोनाचया पार्श्वभूमीवर मुंबईसह राज्यात लावण्यात आलेत कडक निर्बंध

गेल्या काही दिवसांपासून राज्यात आणि देशात कोरोनाबाधितांची संख्या सातत्यानं वाढत आहे. गेल्या चोवीस तासांत देशात ३ लाखांपेक्षा अधिक नव्या कोरोनाबाधितांची नोंद करण्यात आली. असं असलं तरी मुंबईतून आता थोडी दिलासादायक बातमी समोर येत आहे. गेल्या चोवीस तासांत मुंबईत कोरोनाबाधितांपेक्षा कोरोनामुक्त झालेल्या रुग्णांची संख्या अधिक असल्याचं दिसून आलं आहे. गुरुवारीदेखील कोरोनामुक्त झालेल्या रुग्णांची संख्या अधिक होती. गेल्या चोवीस तासांत मुंबईत तब्बल ९५४१ जणांनी कोरोनावर मात केली आहे.

गेल्या चोवीस तासांत मुंबईत ७२२१ नव्या कोरोनाबाधितांची नोंद झाली. तर दुसरीकडे ९५४१ जणांनी कोरोनावर मात केली आहे. आतापर्यंत एकूण ५ लाख २० हजार ६८४ रुग्णांनी कोरोनावर मात केली आहे.

#CoronavirusUpdates
२३ एप्रिल, संध्या. ६:०० वाजता

२४ तासात बाधित रुग्ण -७२२१

२४ तासात बरे झालेले रुग्ण-९५४१
बरे झालेले एकूण रुग्ण- ५,२०,६८४
बरे झालेल्या रुग्णांचा दर- ८४%

एकूण सक्रिय रुग्ण-८१,५३८

दुप्पटीचा दर- ५२ दिवस
कोविड वाढीचा दर (१६ एप्रिल-२२ एप्रिल)- १.३१%#NaToCorona

— माझी Mumbai, आपली BMC (@mybmc) April 23, 2021

मुंबईत रुग्ण बरे होण्याचा दर हा ८४ टक्क्यांवर पोहोचला आहे. तर रुग्ण दुपटीचा कालावधी ५२ दिवसांवर आला आहे. मुंबईत सध्या ८१ हजार ५३८ रूग्णांवर उपचार सुरू असल्याची माहिती मुंबई महानगरपालिकेकडून देण्यात आली.