'"पाडून दाखवा सरकारचे" हे मंत्री आहेत की भांडखोर सासूबाई?', आशिष शेलारांचा हल्लाबोल

By ऑनलाइन लोकमत | Published: August 13, 2020 11:51 AM2020-08-13T11:51:53+5:302020-08-13T12:02:40+5:30

गणेशोत्सव काळात चाकरमान्यांना कोकणात जाण्यासाठी रेल्वे न सोडण्यात आल्याने भाजपाचे नेते आशिष शेलार यांनी राज्य सरकारवर निशाणा साधला आहे.

bjp ashish shelar slams maharashtra government over not arrange railway traveling konkan | '"पाडून दाखवा सरकारचे" हे मंत्री आहेत की भांडखोर सासूबाई?', आशिष शेलारांचा हल्लाबोल — '"पाडून दाखवा सरकारचे" हे मंत्री आहेत की भांडखोर सासूबाई?', आशिष शेलारांचा हल्लाबोल

मुंबई - भाजपाचे नेते आशिष शेलार यांनी गणेशोत्सव काळात चाकरमान्यांना कोकणात जाण्यासाठी रेल्वे न सोडण्यात आल्याने राज्य सरकारवर निशाणा साधला आहे. '"पाडून दाखवा सरकारचे" हे मंत्री आहेत की भांडखोर सासूबाई?' असं म्हणत शेलारांनी हल्लाबोल केला आहे. आपल्या ट्विटर अकाऊंटवरून त्यांनी गुरुवारी (13 ऑगस्ट) याबाबतचे ट्विट केले आहे.

"कुठलाही ठोस निर्णय नाही, कसले नियोजन, समन्वय नाही, केवळ दुसऱ्याला दोष देऊन स्वतःचे अपयश झाकण्याचे कौशल या राज्यातील "पाडून दाखवा सरकारकडे"आहे. कोकणात रेल्वे गाड्या सोडण्यावरुन हेच सुरू आहे. रेल्वेची तयारी असतानाही गाड्या राज्य सरकारने सोडल्या नाहीत. चाकरमान्यांना त्रास दिला" असं आशिष शेलार यांनी म्हटलं आहे.

कुठलाही ठोस निर्णय नाही, कसले नियोजन, समन्वय नाही, केवळ दुसऱ्याला दोष देऊन स्वतःचे अपयश झाकण्याचे कौशल या राज्यातील "पाडून दाखवा सरकारकडे"आहे.
कोकणात रेल्वे गाड्या सोडण्यावरुन हेच सुरु आहे. रेल्वेची तयारी असतानाही गाड्या राज्य सरकारने सोडल्या नाहीत. चाकरमान्यांना त्रास दिला (1/1)
— Adv. Ashish Shelar - ॲड. आशिष शेलार (@ShelarAshish) August 13, 2020

"आम्ही वारंवार सांगितले, रेल्वे तयार आहे पण ऐकले नाही.. एसटी वेळेत दिली नाही. अवाजवी भाडे देऊन चाकरमान्यांना जावे लागले.. आता परतीच्या प्रवासाला तरी रेल्वे उपलब्ध करुन द्यायची सोडून मंत्री तू-तू -मै-मै करीत बसलेत. "पाडून दाखवा सरकारचे" हे मंत्री आहेत की,भांडखोर सासूबाई?" असं देखील शेलार यांनी आपल्या ट्विटमध्ये म्हटलं आहे.

आम्ही वारंवार सांगितले, रेल्वे तयार आहे पण ऐकले नाही.. एसटी वेळेत दिली नाही. अवाजवी भाडे देऊन चाकरमान्यांना जावे लागले.. आता परतीच्या प्रवासाला तरी रेल्वे उपलब्ध करुन द्यायची सोडून मंत्री तू-तू -मै-मै करीत बसलेत.
"पाडून दाखवा सरकारचे" हे मंत्री आहेत की,भांडखोर सासूबाई?
(2/2)
— Adv. Ashish Shelar - ॲड. आशिष शेलार (@ShelarAshish) August 13, 2020

ई-पासच्या मुद्द्यावरून शेलार यांनी काही दिवसांपूर्वी राज्य सरकारवर निशाणा साधला होता. 'ई- भूमीपूजन" करा म्हणणारे आमच्या कोकणात जाणाऱ्या चाकरमान्यांना अद्याप "ई पास" देऊ शकले नाहीत. त्यामुळे ई- दलालांचा सुळसुळाट झालाय त्यांची चौकशी करा. चाकरमान्यांबाबत मुख्यमंत्री उद्धव ठाकरे घोषणा करणार होते एसटीच्या गाड्या सोडणार होते..कधी? कोकणी माणसाचा अंत पाहू नका' असं म्हटलं होतं.

'पवार साहेब हे जाहीर करा हा राग पार्थने राम मंदिरला समर्थन दिलं म्हणून होता की सुशांत प्रकरणात CBI चौकशीची मागणी केली म्हणून?', निलेश राणेंचा सवाल https://t.co/pouXCKMBQi #SharadPawar #ParthPawar #nileshrane
— Lokmat (@MiLOKMAT) August 13, 2020