सोनू निगमच्या आवाजातील 'रकम्मा' गाण्यावर अभिनय करणार हटके डान्स

By ऑनलाइन लोकमत | Published: January 9, 2019 01:24 PM2019-01-09T13:24:22+5:302019-01-09T13:25:16+5:30

‘अशी ही आशिकी’ चित्रपटाचा टीझर रिलीझ झाल्यानंतर अभिनय बेर्डे आणि हेमल इंगळे साकारत असलेल्या ‘स्वयम-अमरजा’च्या लव्हस्टोरीविषयी जाणून घेण्यासाठी प्रेक्षकांमध्ये उत्सुकता निर्माण झाली आहे.

Sonu Nigam's 'Rakma' Song Superhit on Social Media | सोनू निगमच्या आवाजातील 'रकम्मा' गाण्यावर अभिनय करणार हटके डान्स

सोनू निगमच्या आवाजातील 'रकम्मा' गाण्यावर अभिनय करणार हटके डान्स

googlenewsNext

प्रेम, कनफेशन, इमोशन आणि ‘अशी ही आशिकी’; प्रेमात पडणे ते आशिकी करणे हा संपूर्ण प्रवास निराळाच असतो. हाच निराळा प्रवास अनुभवण्यासाठी आणि नवीन वर्षात आशिकी करायला भाग पाडण्यासाठी लवकरच प्रेक्षकांच्या भेटीला येतेय ‘अशी ही आशिकी’. गुलशन कुमार प्रस्तुत, टी-सिरीजचे भूषण कुमार आणि क्रिशन कुमार निर्मित आणि सचिन पिळगांवकर दिग्दर्शित ‘अशी ही आशिकी’ चित्रपटाचा टीझर रिलीझ झाल्यानंतर अभिनय बेर्डे आणि हेमल इंगळे साकारत असलेल्या ‘स्वयम-अमरजा’च्या लव्हस्टोरीविषयी जाणून घेण्यासाठी प्रेक्षकांमध्ये उत्सुकता निर्माण झाली आहे. नवीन विषय, नवीन जोडी, चित्रपटाचे कॅची नाव आणि प्रेक्षकांच्या भेटीला आलेला टीझर आदी गोष्टी चित्रपटाविषयीची आतुरता वाढवत आहेत. इतकेच नव्हे तर, १४ फेब्रुवारीला व्हॅलेंनटाईन्स डे ऐवजी AHA Day साजरा होणार म्हणजे नेमकं काय हॅपनिंग पाहायला मिळणार याविषयी देखील कुतुहल अनेकांच्या मनात आहे.

कॉन्फिडंट, फ्रि-मांइडेड असलेले स्वयम आणि अमरजा, या कपलची आशिकीची जर्नी जितकी चित्रपटातून फुलणार आहे तितकीच त्यांची लव्हस्टोरी गाण्यांतून पण तितकीच फुलणार आहे. प्रेमात जस-जसे अनेक टप्पे पार पाडावे लागतात, जसे की पहिली भेट, पहिली आठवण वैगरे वैगरे... तसंच काहीसं या प्रेमात पण होणार आहे. स्वयम आणि अमरजाच्या आशिकीची थोडीशी हिंट देण्यासाठी नुकतेच या चित्रपटातील ‘रकम्मा’ हे गाणं डिजीटल मिडीयावर रिलीज करण्यात आले आहे. ‘रकम्मा’ या गाण्यातून आपल्याला या गोष्टीची कल्पना येते की स्वयम निकम्मा होऊन रकम्माला शोधतोय. पण अमरजच्या प्रेमात असलेला स्वयम अचानकपणे रकम्माला का शोधतोय आणि मुळात कोण आहे ही रकम्मा अशा अनेक प्रश्नांची उत्तरे लवकरच प्रेक्षकांना मिळणार आहेत.

Web Title: Sonu Nigam's 'Rakma' Song Superhit on Social Media

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.