अंकुश चौधरी आता झळकणार या चित्रपटात, नुकताच झाला चित्रपटाचा मुर्हूत

By ऑनलाइन लोकमत | Published: March 10, 2019 07:00 PM2019-03-10T19:00:00+5:302019-03-10T19:00:03+5:30

मराठी रुपेरी पडद्यावरचा डॅशिंग हिरो अंकुश चौधरी या चित्रपटात मध्यवर्ती भूमिका साकारत असून अनेक ग्लॅमरस जाहिरांतीतून झळकलेली झीनल कामदार या चित्रपटाद्वारे मराठी चित्रपटसृष्टीत पदार्पण करणार आहे.

ankush chaudhari is in sukh mhanje nakki kay asta | अंकुश चौधरी आता झळकणार या चित्रपटात, नुकताच झाला चित्रपटाचा मुर्हूत

अंकुश चौधरी आता झळकणार या चित्रपटात, नुकताच झाला चित्रपटाचा मुर्हूत

googlenewsNext
ठळक मुद्देचित्रपटगृहाबाहेर पडणाऱ्या प्रेक्षकाला सुख म्हणजे काय असतं याचं उत्तर देत सत्य घटनेवर प्रेरित अमेरिकेत घडणारी कथा सुख म्हणजे नक्की काय असतं या चित्रपटातून उलगडणार आहे.

सुखाची परिभाषा प्रत्येकाची वेगवेगळी असते. सुख मिळवण्यासाठी आपण आपला प्रत्येक क्षण वेचत असतो आणि आपापल्या परीने सुखी राहण्याचा मार्ग शोधत असतो. दिग्दर्शिका समृद्धी पोरे यांनी नेहमीच आपल्या कलाकृतीतून जगण्याचे वेगवेगळे पदर उलगडले आहेत. चित्रपटगृहाबाहेर पडणाऱ्या प्रेक्षकाला सुख म्हणजे काय असतं याचं उत्तर देत सत्य घटनेवर प्रेरित अमेरिकेत घडणारी कथा सुख म्हणजे नक्की काय असतं या चित्रपटातून उलगडणार आहे. या मराठी चित्रपटाचा मुहूर्त नुकताच मान्यवरांच्या उपस्थितीत दिमाखात संपन्न झाला. ‘साईबाबा स्टुडिओज’ आणि ‘समृद्धी सिनेवर्ल्ड’ यांच्या संयुक्त विद्यमाने ‘सुख म्हणजे नक्की काय असतं’ या चित्रपटाची निर्मिती होत असून अमेरिकेतील लॉस एंजलिस येथे चित्रित होणारा मराठीतला हा पहिला हॉलिवूड चित्रपट ठरणार आहे.

या चित्रपटाच्या निमित्ताने कलाक्षेत्राला चांगल्या कथेचा सुखाचा ठेवा देण्यासाठी चित्रपटाचे निर्माते शिवकुमार आणि संवेदनशील दिग्दर्शिका समृद्धी पोरे हे एकत्र आले आहेत. छोट्या पडद्यावर आपल्या अनेक दर्जेदार कलाकृतींनी वेगळं स्थान निर्माण करणारे निर्माते–दिग्दर्शक गजेंद्र सिंग या चित्रपटाचे प्रस्तुतकर्ते आहेत. मराठी रुपेरी पडद्यावरचा डॅशिंग हिरो अंकुश चौधरी या चित्रपटात मध्यवर्ती भूमिका साकारत असून अनेक ग्लॅमरस जाहिरांतीतून झळकलेली झीनल कामदार या चित्रपटाद्वारे मराठी चित्रपटसृष्टीत पदार्पण करणार आहे.

दिग्दर्शिका समृद्धी पोरे यांच्या कथेतील सच्चेपणा भावला असं सांगत संगीताच्या माध्यमातून दीर्घकाळ प्रेक्षकांचे मनोरंजन केल्यांनतर या चित्रपटाच्या निमित्ताने मराठी चित्रपटसृष्टीशी जुळणारा स्नेहबंध माझ्यासाठी निश्चितच आनंददायी असल्याचे गजेंद्रसिंग यांनी सांगितले. एक चांगली कथा मराठी प्रेक्षकांसाठी आणल्याचं समाधान निर्माते शिवकुमार यांनी व्यक्त केलं. लॉस एंजलिस स्थित ‘फाईव्ह डायमेंशन्स एंटरटेन्मेंट’ ही कंपनी या चित्रपटाचे लाईन प्रोड्यूसर म्हणून काम पाहाणार आहेत.

‘दुसऱ्याच्या चेहऱ्यावर हसू आणणे हे खरं सुख’ असं सांगत हा चित्रपटही हे हसू आणि सुख तुम्हाला निश्चितच देईल, असा विश्वास अभिनेता अंकुश चौधरीने व्यक्त केला तर पदार्पणातच मान्यवरांसोबत काम करण्याची संधी मिळाल्याचा आनंद अभिनेत्री झीनल कामदारने व्यक्त केला.

‘सुख म्हणजे नक्की काय असतं’ या चित्रपटाच्या चित्रीकरणाला मे महिन्याच्या अखेरीस लॉस एंजलिस येथे सुरुवात होणार आहे.


 

Web Title: ankush chaudhari is in sukh mhanje nakki kay asta

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.