'या' 5 कारणांमुळे तरूणाईला येतोय पब्सचा कंटाळा
By ऑनलाइन लोकमत | Published: April 25, 2018 06:33 PM2018-04-25T18:33:55+5:302018-04-25T18:33:55+5:30
आजकालच्या तरूणाईचा विकेन्डला पब्समध्ये जाण्याचा अट्टाहास आता कमी होऊ लागला आहे. अनावश्यक खर्च तसंच पार्टीनंतर होणाऱ्या त्रासामुळे सर्वांना घरीच राहणं आवडतंय.
'या' 5 कारणांमुळे तरूणाईला येतोय पब्सचा कंटाळा
Next आधुनिक संस्कृतीला आपण कितीही आपलंसं केलं असलं तरी, काही तरूणांना घरीच मनोरंजनाचे पर्याय शोधणं आवडतंय. मित्र-मैत्रिणींसोबत बाहेर न जाता स्वत:ला वेळ देणं व वैयक्तिक आयुष्य सुखी करणं याकडे तरूणांचा कल दिसतो. म्हणून अजूनही तरूणांना पब्स, डिस्को व नाईटआऊट का पसंत नाही याची कारणे पाहुया.
१) शांततेत वेळ घालवणं - आजकालच्या तरूणांना पब्स आणि डिस्कोमध्ये मोठ्या आवाजात वाजवल्या जाणाऱ्या गाण्यांपेक्षा इयरफोन्स कानात घालून शांततेत गाणी ऐकायला आवडतात.
२) पार्टीतून परतल्यावर होणारा त्रास - रात्रभर जागून पार्टी करण्यापेक्षा सकाळी उठून व्यायाम करणं व फिटनेसकडे लक्ष देणं मुलींना महत्वाचं वाटतं. त्यामुळे आरोग्यही निरोगी राहतं.
३) अनोळखी व्यक्तींशी नको असलेले संबंध - पब्स व डिस्कोमध्ये अनोळखी व्यक्तींसोबत ओळख होते. त्यातून नशेच्या आधीन जाऊन विविध परिणामांना सामोरं जावं लागतं. म्हणून बऱ्याचदा पार्टी करण्याकडे पाठ फिरवली जाते.
४) पैशाची बचत- पब्समध्ये अनियमित व अनावश्यक पैसा खर्च होतो. तसंच या पैशाचा वापर वेगळ्या पद्धतीने चांगल्या कामासाठीही करता येईल, असं तरूणांचं म्हणणं आहे.
५) झोप महत्वाची - नोकरदार वर्गाला स्वत:च्या कामानंतर पुरेशी झोप घेणं महत्वाचं वाटतं. तसंच तरूणांना ताणतणावामुळे पुरेशी झोप मिळत नाही. त्यामुळे विकेन्ड आरामात घालवावा असं वाटतं.
