Latest Marathi News

अकोला : प्रादेशिक वन विभागाच्या अकोट वनपरिक्षेत्रातील जऊळखेड येथे काळवीट (ब्लॅक बक) या संरक्षित वन्यप्राण्याची शिकार करून त्याचे मांस विक्री करताना एका आरोपीस रविवारी रंगेहाथ पकडण्यात आले आहे. अन्य तीन आरोपींपैकी मुख्य आरोपी फरार असून, उर्वरित दोघांवरही गुन्हा दाखल करण्यात आला आहे.वन विभागास २० जुलै २०२५ रोजी मिळालेल्या गुप्त माहितीच्या आधारे, भारतीय वन अधिनियम, १९२७ व वन्यजीव (संरक्षण) अधिनियम, १९७२ अंतर्गत कारवाई करण्यात आली. झडती वॉरंटद्वारे मौजा जऊळखेड येथील आरोपींच्या घरांची तपासणी करण्यात आली. यात अंकुश गणेश इंदोरे (रा. जऊळखेड), दिगंबर जनकिराम घारे (रा. कुटासा), गणेश दयाराम इंदोरे (रा. जऊळखेड) या आरोपींचा समावेश आहे.तपासणीदरम्यान आरोपी क्रमांक २ दिगंबर घारे याच्या राहत्या घरातून काळवीटाच्या मांसाचा साठा सापडला. सुमारे अर्धा किलो मांस जप्त करण्यात आले असून, तो मांस खात असतानाच त्यास रंगेहाथ अटक करण्यात आली. प्राथमिक तपासानुसार, फरार असलेला ईश्वर बाळकृष्ण इंदोरे व आरोपी अंकुश इंदोरे या दोघांनी मिळून कुटासा येथील जंगलात काळवीटाची शिकार केली व त्याचे मांस वाटून घेतले. तिसरा आरोपी गणेश इंदोरे हा अंकुश इंदोरे यांचे वडील असून, तेही मांसाच्या वाटपात सहभागी असल्याचे निष्पन्न झाले आहे.ही कारवाई उपवनसंरक्षक सुमंत सोळंके व सहाय्यक वनसंरक्षक नम्रता ताले यांच्या मार्गदर्शनाखाली वनपरिक्षेत्र अधिकारी (प्रादेशिक) व्ही. आर. थोरात यांच्या नेतृत्वात वनरक्षक पी. ए. तुरुक, अतिक हुसेन, सुभाष काटे, सोपान रेळे, तुषार आवारे आदींनी केली.जनतेस आवाहनवन्यप्राण्यांचे पर्यावरणीय महत्त्व लक्षात घेता नागरिकांनी वन्यजीवांचे संरक्षण आणि संवर्धन यासाठी पुढाकार घ्यावा. कोणतीही शिकार, छळ किंवा जंगलात आग लावण्याच्या घटना आढळल्यास तत्काळ शासनाच्या टोल फ्री क्रमांक १९२६ वर माहिती द्यावी. माहिती देणाऱ्याचे नाव गोपनीय ठेवण्यात येईल. आपल्या सहकार्यामुळे एका वन्यप्राण्याचा जीव वाचू शकतो.

ज्येष्ठ नागरिकांचा सर्वाधिक भर मुदत ठेवींवर असतो. ...

टॉप १० श्रीमंतांची संपत्ती २८ अब्ज डॉलर्सने घटली, इलॉन मस्क यांचे सर्वाधिक नुकसान ...

तिरंगी लढतीत विजयाची हॅटट्रिक नोंदविण्याचे आव्हान एम. के. स्टॅलिन यांच्या नेतृत्वाखाली इंडिया आघाडीसमोर आहे. ...

बंगळुरू ग्रामीण लोकसभा मतदारसंघात काँग्रेसची प्रतिष्ठा पणाला लागलेली आहे. ...

गत लोकसभा निवडणुकीत भाजपने राजस्थानातील सर्व २५ जागा जिंकल्या होत्या. ...

उत्तराखंडमध्ये यंदा स्थानिक मुद्यांपेक्षा राष्ट्रीय राजकारणातील मुद्देच अधिक प्रभावी ठरत आहेत. ...

भ्रष्टाचाऱ्यांविरुद्धची कारवाई चालूच राहील आणि निर्वासितांचा प्रश्न मार्गी लावणार, असे मोदी म्हणाले. ...

जागा घटण्याची शक्यता, उत्तर प्रदेश आणि तेलंगणात भाजपने वाढविली ताकद ...

काँग्रेसच्या प्रिया रॉय चौधरी व फॉरवर्ड ब्लाॅकचे नितीश चंद्र रॉय यांचे आव्हान आहे. ...