दोन मुलींसह पित्याची गळफास घेऊन आत्महत्या

पत्नीच्या मृत्यूचा मानसिक धक्का सहन न झाल्यामुळे एकाने आपल्या २ तरुण मुलींसह गळफास घेऊन आत्महत्या केल्याची हृदयद्रावक घटना चिकोडी तालुक्यातील पोगत्यानटटी गावात आज रविवारी सकाळी उघडकीस आली. यामुळे गावात एकच खळबळ उडाली आहे.

काडाप्पा रंगापुरी (वय ४७) कीर्ती काडप्पा रंगापुरे (वय २०) आणि कीर्ती काडप्पा रंगापुरे (वय १८) अशी गळफास घेऊन आत्महत्या करणाऱ्या बाप व मुलींची नावे आहेत. मिळालेल्या माहितीनुसार चिकोडी तालुक्यातील पोगत्यानटटी गावातील चन्नव्वा काडाप्पा रंगापुरे (वय ४०) या महिलेचे गेल्या आठवड्यात हृदयविकाराच्या झटक्याने निधन झाले होते. हा धक्का सहन न झाल्याने आज चन्नव्वाचा पती काडप्पा याने आपल्या २ तरुण मुलींसह राहत्या घरी गळफास घेऊन आत्महत्या केली. या हृदयद्रावक घटनेने पोगत्यानटटी गावात खळबळ उडाली आहे. घटनास्थळी पोलिसांनी भेट देऊन पंचनामा करण्याबरोबरच मृतदेह शवचिकित्सेसाठी धाडले आहेत. चिक्कोडी पोलीस स्थानकाच्या व्याप्तीत ही घटना घडली असून अधिक तपास सुरू आहे.