गोकुळची सत्ता द्या, ८५ टक्के परतावा देऊ, हसन मुश्रीफ, सतेज पाटील याची ग्वाही

By लोकमत न्यूज नेटवर्क | Published: April 29, 2021 01:51 PM2021-04-29T13:51:19+5:302021-04-29T14:10:23+5:30

Gokul Milk Election Kolhapur : गोकुळच्या सत्तारुढ गट दूध उत्पादकांना उत्पन्नातील ८२ टक्के परतावा देत असल्याचे सांगत आहे. वास्‍तविक पाहता व्यवस्थापन खर्चात बचत करुन देशातील अनेक संघांनी ८५ ते ९२ टक्के इतका परतावा दिलेला आहे. या निवडणुकीत राजर्षी शाहू शेतकरी आघाडीला विजयी करुन सत्ता द्या; दूध उत्पादकांना ८५ टक्के परतावा देऊ अशी ग्वाही ग्रामविकास मंत्री हसन मुश्रीफ आणि पालकमंत्री सतेज पाटील यांनी केली. 

Give power to Gokul, give 85% return, testimony of Hasan Mushrif, Satej Patil | गोकुळची सत्ता द्या, ८५ टक्के परतावा देऊ, हसन मुश्रीफ, सतेज पाटील याची ग्वाही

गोकुळची सत्ता द्या, ८५ टक्के परतावा देऊ, हसन मुश्रीफ, सतेज पाटील याची ग्वाही

Next
ठळक मुद्देगोकुळची सत्ता द्या, ८५ टक्के परतावा देऊ, हसन मुश्रीफ, सतेज पाटील याची ग्वाहीऊसाचा फार्म्युला दूधासाठी वापरून पाठ थोपटून घेऊ नका

कोल्हापूर : गोकुळच्या सत्तारुढ गट दूध उत्पादकांना उत्पन्नातील ८२ टक्के परतावा देत असल्याचे सांगत आहे. वास्‍तविक पाहता व्यवस्थापन खर्चात बचत करुन देशातील अनेक संघांनी ८५ ते ९२ टक्के इतका परतावा दिलेला आहे. या निवडणुकीत राजर्षी शाहू शेतकरी आघाडीला विजयी करुन सत्ता द्या; दूध उत्पादकांना ८५ टक्के परतावा देऊ अशी ग्वाही ग्रामविकास मंत्री हसन मुश्रीफ आणि पालकमंत्री सतेज पाटील यांनी केली. 

रंगनाथन समितीच्या शिफारशीनूसार ऊस उत्पादकांना उत्पन्नातील परतावा देताना ७० : ३० हा फॉर्म्युला वापरला जातो. हा फॉर्म्युला दूधासाठी नाही. दुधासाठी परतावा देताना उत्पादन खर्च वगळता सर्व परतावा दूध उत्पादकांना देणे अपेक्षित आहे. सत्तारुढ गट मात्र ऊसाचा फॉर्म्युला दुधासाठी वापरुन आपली पाठ थोपटून घेत आहे.

गोकुळचा विचार करता गोकुळला चांगल्या प्रतीच्या दुधाचा पुरवठा होतो. म्हैस दुधाचे प्रमाणही गोकुळकडे जास्त आहे. तसेच दूध संकलनासाठी वाहतूक खर्च तलुनेने कमी आहे. पण सत्तारुढ गटाने केलेल्या गैरकारभारामुळे व्यवस्थापन खर्चात वाढ झाली आहे. दररोज १४ लाख लिटर दूध संकलन होत असताना २० लाख लिटर संकलन गृहीत धरुन विस्तारीकरण केले आहे. त्याप्रमाणात नोकर भरती, मशिनरी खरेदी केली आहे. याचा अतिरिक्त भार गोकुळवर पडला आहे. कार्यक्षेत्राबाहेरील दूध गोळा करुन ते संघाकडे आणल्याने कोट्यावधींचे नुकसान होते.

लेखापरीक्षण अहवालानूसार कार्यक्षेत्राबाहेरील दूध संकलनामुळे २०१५-१६ या वर्षात संघाला २४ कोटी ४४ लाख, २०१६-१७ या वर्षात ५० कोटी तर २०१७-१८ या वर्षात ६४ कोटी ७७ लाखाचे नुकसान झाले आहे. या सगळ्या फाटा देत आदर्श गोठे निर्माण करून दूध उत्पादन वाढ व पारदर्शी कारभाराच्या बळावर उत्पादकाला ८५ टक्के परतावा देऊ, असे मंत्री हसन मुश्रीफ व मंत्री सतेज पाटील यांनी सांगितले.

Web Title: Give power to Gokul, give 85% return, testimony of Hasan Mushrif, Satej Patil

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.