corona virus : कोल्हापुरात ३३,१११ रुग्ण, कोरोना रुग्णांच्या मृत्यूचा एक हजाराचा टप्पा पार

By लोकमत न्यूज नेटवर्क | Published: September 12, 2020 01:52 PM2020-09-12T13:52:56+5:302020-09-12T13:55:03+5:30

मृत्यूचा आकोल्हापूर जिल्ह्यात कोरोना रुग्णांचा आकडा जसा झपाट्याने वाढत चालला आहे तसा मृत्यूचा आकडा सुध्दा वाढत चालला आहे. शुक्रवारी एक हजाराचा टप्पा पार झाल्याने मृत्यू होणाऱ्यांचा आकडा १०१० वर जाऊन पोहचला. कडा एक हजाराचा टप्पा पार

33,111 patients in Kolhapur: 1010 deaths | corona virus : कोल्हापुरात ३३,१११ रुग्ण, कोरोना रुग्णांच्या मृत्यूचा एक हजाराचा टप्पा पार

corona virus : कोल्हापुरात ३३,१११ रुग्ण, कोरोना रुग्णांच्या मृत्यूचा एक हजाराचा टप्पा पार

Next
ठळक मुद्देकोल्हापुरात ३३,१११ रुग्णकोरोना रुग्णांच्या मृत्यूचा एक हजाराचा टप्पा पार

कोल्हापूर : कोल्हापूर जिल्ह्यात कोरोना रुग्णांचा आकडा जसा झपाट्याने वाढत चालला आहे तसा मृत्यूचा आकडा सुध्दा वाढत चालला आहे. शुक्रवारी एक हजाराचा टप्पा पार झाल्याने मृत्यू होणाऱ्यांचा आकडा १०१० वर जाऊन पोहचला.

रुग्णांची संख्या आता ३३ हजार १११ इतकी झाली आहे. मृत्यूचा दर हा तीन टक्क्याच्यावर असून तो राज्यातील सर्वाधिक असून आरोग्य यंत्रणेची चिंता वाढविणारा आहे.

कोल्हापूर जिल्ह्यात गेल्या चोवीस तासात ९८१ नवीन रुग्णांची नोंद झाली, तर २५ व्यक्ती कोरोनाच्या बळी ठरल्या. गेल्या काही दिवसापासून सातत्याने आठशे ते हजार रुग्ण नव्याने नोंद होत असून २५ ते ३० रुग्णांचा मृत्यू होऊ लागला आहे. शुक्रवारचा दिवस देखिल त्याला अपवाद ठरला नाही. कोरोना रुग्णांची संख्या सतत वाढत असल्याने कोल्हापूर जिल्हा हा राज्यातील एक मोठा हॉटस्पॉट बनला आहे.

शुक्रवारी मृत्यू झालेल्या २५ जणांमध्ये २० पुरुषांचा तर पाच महिलांचा समावेश आहे. कोल्हापूर शहरातील भोसलेवाडी, शिवाजीपेठ, साळोखे पार्क, रिंगरोड, मंगळवारपेठ या परिसरातील पाच जणांचा तर करवीर तालुक्यातील वडणगे, पाचगांव, परिते येथील तीन रुग्णांचा मृत्यू झाला. इचलकरंजीतील सरस्वती कॉलनी, अयोध्या कॉलनी, जवाहरनगर व इचलकरंजी शहर येथील रुग्ण कोरोनामुळे दगावले.

गडहिंग्लज शहरातील दोन तर कडगांव, बसर्गे येथील प्रत्येकी एक रुग्णाचा मृत्यू झाला. याशिवाय जयसिंगपूर, दत्तवाड (शिरोळ), गोटखिंडी (वाळवा), आजरा शहर, उंब्रज (कराड), कोरोची (हातकणंगले), जाखल (पन्हाळा) व कागल शहर येथील कोरोनाबाधित रुग्णांचा मृत्यू झाला.

कोल्हापुरात २५९ नवीन रुग्ण

कोल्हापूर शहरात शुक्रवारी २५९ नवीन रुग्ण आढळून आले. याशिवाय करवीर तालुक्यात १२४, हातकणंगले ९७, चंदगड, गडहिंग्लज प्रत्येकी २२, आजरा १५, भुदरगड २४, कागल ४८, शिरोळ ३९, शाहूवाडी ३३, राधानगरी १२ नवीन रुग्ण आढळून आले. कोल्हापूर शहराबरोबरच ग्रामिण भागातही कोरोनाने जोरदार मुसंडी मारली असल्याचे हे आकडे सांगतात.

मृत्यूचा हजाराचा टप्पा पार

कोल्हापूर जिल्ह्यात कोरोनामुळे एक हजाराहून अधिक जणांचे बळी जातील असे कोणी सांगितले असते तर त्यावर कोणीही विश्वास ठेवला नसता. परंतू आता आकडे बोलत असून रुग्णांच्या मृत्यूचा एक हजाराचा टप्पाही पार झाला. कोल्हापूर जिल्ह्याच्या दृष्टीने ही अधिक चिंतेची बाब आहे. मृतांमध्ये पुरुषांचा आकडा जास्त असून बहुतेक मृत्यू हे कोरोनाबरोबरच अन्य व्याधीने झाले आहेत.

चोवीस तासातील कोरोना चाचणी अहवाल

  • आरटीपीसीआर तपासणी - २६९६
  • त्यापैकी निगेटिव्ह अहवाल - २१५०
  • पॉझिटिव्ह अहवाल - ५२०
  • ॲन्टीजन तपासणी पूर्ण - ३९६
  •  त्यापैकी निगेटिव्ह अहवाल - २९३
  • तर पॉझिटिव्ह अहवाल- १०३
  •  खासगी रुग्णालयातील पॉझिटिव्ह - २६८


तालुका निहाय रुग्ण संख्या

आजरा - ५७५, भुदरगड - ७१९, चंदगड - ७१२, गडहिंग्लज ७७१ , गगनबावडा - ९१, हातकणंगले - ३८४३, कागल - ११२३, करवीर - ३६१८, पन्हाळा - ११६६, राधानगरी - ८६७, शाहूवाडी - ७६६, शिरोळ - १८१५, नगरपालिका हद्द - ५४६८, कोल्हापूर शहर - १०,५३३, इतर जिल्हा - १०४४.

 

  • जिल्ह्यातील एकूण रुग्ण संख्या - ३३ हजार १११
  •  बरे झालेले एकूण रुग्ण संख्या - २१हजार ४४१
  •  मयत झालेल्या रुग्णांची संख्या - १०१०
  •  सध्या उपचार घेत असलेले रुग्ण - १० हजार ६६०

Web Title: 33,111 patients in Kolhapur: 1010 deaths

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.