डोंबिवलीतील तरण तलावाची झाली दुरवस्था, अन्यथा आम्ही तलाव स्वच्छ करू; युवासेनेचा इशारा 

KDMC News: डोंबिवली पूर्वेकडील सावळाराम महाराज क्रीडा संकुलानजीक असलेला तरण तलावही बंद ठेवण्यात आला होता. या तलावाची आता दुर्दशा झाली आहे.

डोंबिवली - सुमारे गेल्या दीड वर्षांपासून कोरोनाचा काळ असल्यामुळे अनेक खेळाडुंचा हिरमोड  झाला होता. मैदान व इतर सरावाच्या यंत्रणा बंद असल्याने खेळाडूंमध्ये नाराजी होती. मात्र आता जनजीवन हळूहळू पूर्वपदावर येत आहे. त्यामुळे डोंबिवली पूर्वेकडील सावळाराम महाराज क्रीडा संकुलानजीक असलेला तरण तलावही बंद ठेवण्यात आला होता. या तलावाची आता दुर्दशा झाली आहे. त्यामुळे हा तलाव लवकरात लवकर स्वच्छ करावा  अन्यथा युवासेना स्वतः तलावाची स्वच्छता करेल असा इशारा कल्याण जिल्हा युवासेना अधिकारी  दीपेश म्हात्रे यांनी दिला आहे.

तरण तलावात मोठ्या प्रमाणावर कचरा साचला आहे. युवासेनेन नुकतीच या तलावाची पाहणी केली. मात्र काही अटी घालून राज्य शासनाने तलाव ( स्विमिंग पूल ) सुरू करण्यास परवानगी दिली आहे. त्यामुळे अटी - शर्तीचं पालन करून  हा तलाव सुरू करावा अशी आग्रही मागणी पत्राद्वारे युवासेनेन पालिका प्रशासनाला पत्राद्वारे केली आहे.विशेषतः शनिवारी आणि रविवारी या ठिकाणी पोहण्यासाठी  गर्दी असते. तसेच आंतरराष्ट्रीय पातळीवरील जलतरणपटू देखील या ठिकाणी सराव करत असतात. प्रशासनाने  वेळीच लक्ष दिले नाही तर युवासेनेचे पदाधिकारी स्विमिंग पूल स्वच्छ करतील असं दीपेश म्हात्रे यांनी  लोकमतशी बोलताना सांगितले.