पायलट BF नं विमानातच केली अशी अनाउंसमेंट, की लाजून गर्लफ्रेंडचं झालं पाणी-पाणी

गर्लफ्रेंड विमानात बसल्यानंतर, विमान उडवणाऱ्या बॉयफ्रेंड पायलटने एक अशी अनाउंसमेंट केली, की त्याची गर्लफ्रेंड विमानात बसलेल्या प्रवाशांसमोर आपलं लाजणंही लपवू शकली नाही.

आपल्या पायलट बॉयफ्रेंडच्या विमानात पहिल्यांदाच बसलेल्या एका तरुणीवर प्रवाशांसमोरच लाजण्याची वेळ आली. घडले असे, की गर्लफ्रेंड विमानात बसल्यानंतर, विमान उडवणाऱ्या बॉयफ्रेंड पायलटने एक अशी अनाउंसमेंट केली, की त्याची गर्लफ्रेंड विमानात बसलेल्या प्रवाशांसमोर आपलं लाजणंही लपवू शकली नाही. आतापर्यंत एक कोटीहून अधिक लोकांनी हा व्हिडिओ इंटरनेटवर पाहिला आहे. (Pilot embarrasses girlfriend with special announcement in flight)

हा व्हिडिओ हना नावाच्या त्याच तरुणीने टिक-टॉकवर शेअर करताना लिहिले आहे, 'जेव्हा तुम्ही पहिल्यांदाच तुमच्या बॉयफ्रेंडच्या प्लॅनमध्ये बसून उड्डाण करता.' विमानात बसलेल्या प्रवाशांना आवश्यक माहिती देण्यापूर्वी वैमानिकाने अनाउंसमेंट केली, की 'एक विशेष व्यक्ती आपल्यासोबत विमानात प्रवास करत आहे. ती म्हणजे माझी गर्लफ्रेंड आहे. तिचे नाव हना, असे आहे आणि ती सीट क्रमांक 2C वर बसली आहे. तेव्हा, आपला प्रवास संपल्यानंतर कृपया माझ्यासाठी एक काम नक्की करा.'

कुत्र्यानं मालकासोबत केली पॅराग्लायडिंग, पाहा हा गोंडस व्हिडिओ

प्रवाशांना आग्रह करताना पायलट बॉयफ्रेंड म्हणाला, 'विमानातून उतरताना, माझ्या गर्लफ्रेंडला फिस्ट बम्प, हाय फाइव्ह अथवा आपला स्नॅक्स, पाण्याची बाटली जरूर द्या. धन्यवाद. आमच्यासोबत उड्डाणासाठी आणि प्रवासात मास्क लावल्याबद्दल आपले आभार... आपण लवकरच टेक ऑफ करणार आहोत.'

या मजेदार व्हिडिओच्या कॅप्शनमध्ये हनाने लिहिले, 'या व्हिडिओला उत्तर देताना माझे वडील म्हणाले - चला, किमान त्याने प्रपोज तर केले नाही. पण माझी इच्छा होती, की जर त्याने तसे केले असते.' आतापर्यंत लाखो लोकांनी हा व्हिडिओ पाहिला आहे आणि पायलटच्या अनोख्या शैलीवर मनोरंजक प्रतिक्रियाही देत आहेत.