knife in mans chest : टाके मारल्यापासून छातीत दुखायचं; कंटाळून पुन्हा डॉक्टरकडे गेला अन् X-Ray रिपोर्टमध्ये दिसलं असं काही....

xray report reveals huge steel knife in mans chest : जेव्हा हा तरूण सराकारी रुग्णालयात उपचारांसाठी दाखल झाला तेव्हा डॉक्टरांनी फक्त जखमेजवळ टाके मारून दिले होते.  त्यानंतरही या माणसाच्या छातीत वेदना कायम होत होत्या. 

आतापर्यंत तुम्ही निष्काळजीपणाची अनेक उदाहरणं पाहिली असतील. पण एखाद्या व्यक्तीनं आपल्या शरीरात स्टीलचा ब्लेड अडकवल्याचं तुम्ही कधीही ऐकलं नसेल. विशेष म्हणजे या मुलाच्या शरीरात धारदार वस्तू आहे, याची त्याला कल्पनाही नव्हती. २५ वर्षीय केंट रयान टोमाओ फिलीपीन्समधील रहिवासी आहे. याच्या एक्स रे रिपोर्टमधून हा खुलासा झाला आहे. 

समोर आलेल्या माहितीनुसार सुरूवातीला केंटवर एक जीवघेणा हल्ला झाला होता. त्यामुळे त्याच्या छातीवर जखमा झाल्या होत्या. जेव्हा हा तरूण सराकारी रुग्णालयात उपचारांसाठी दाखल झाला तेव्हा डॉक्टरांनी फक्त जखमेजवळ टाके मारून दिले होते.  त्यानंतरही या माणसाच्या छातीत वेदना कायम होत होत्या. 

आश्चर्य! विचित्र आजारामुळे उलटं झालंय या माणसाचं डोकं; ४४ वर्षांपासून उलटंच पाहतोय जग, पाहा फोटो

 या हल्ल्यानंतर केंट यांची जखम बरी झाली. मात्र जेव्हा ठंडी वाढत  होती, तेव्हा छातीतील वेदना जास्त तीव्रतेने जाणवत होत्या. दरम्यान एका ठिकाणी नोकरीसाठी केंटला  मेडिकल रिपोर्ट द्यावा लागणार होता.  त्यावेळी केंटनं एक्सरे काढून घेतला यावेळी डॉक्टरांना  त्यांच्या छातीत सुरा पडलेला दिसून आला. 

पुन्हा ऑपरेशन करणार

या रिपोर्टनंतर छातीत वेदना का होत आहेत, हे या माणसाच्या लक्षात आलं. त्यानंतर त्यानं डॉक्टरांशी संपर्क साधला आणि ऑपरेशन करण्याची तयारी दाखवली आहे. डॉक्टरांनी या जखमांवर फक्त टाके मारले होते. छातीत सुरा तसाच ठेवला होता. याचा खुलासा यावेळी झाला. आता ऑपरेशन करून हा सुरा काढण्यात येणार आहे.  CoronaVirus News : बापरे! कोरोनाच्या दीर्घकाळ संसर्गानंतर 'या' आजारांचा धोका; रिसर्चमधून मोठा खुलासा