राणी उंचेगाव येथे दुकान फोडले

अपघातात एका ठार; परतूर येथे गुन्हा दाखल

जालना : भरधाव वेगाने आलेली दुचाकी स्लीप होऊन एकाचा मृत्यू झाल्याची घटना परतूर तालुक्यातील लालबहादूर शास्त्री महाविद्यालयासमोर १ मार्च रोजी घडली. अनिल दिगांबर वाघ असे मयत व्यक्तीचे नाव आहे. या प्रकरणी शेख ईस्माईल शेख इब्राहिम यांच्या फिर्यादीवरून परतूर पोलीस ठाण्यात गुन्हा दाखल करण्यात आला.

पाणीवेश येथून दुचाकी चोरीस

जालना : पाणीवेश येथील एका दवाखान्यासमोर उभी केलेली दुचाकी चोरट्यांनी चोरून नेल्याची घटना बुधवारी मध्यरात्री घडली. या प्रकरणी गोपाल रत्नलाल नौमलकर यांच्या फिर्यादीवरून सदर बाजार पोलीस ठाण्यात गुन्हा दाखल करण्यात आला.

आष्टी बसस्थानकातून दुचाकी चोरीस

जालना : परतूर तालुक्यातील आष्टी येथील बसस्थानकासमोर उभी केलेली दुचाकी चोरट्यांनी चोरून नेल्याची घटना १ मार्च रोजी घडली. या प्रकरणी नंदकुमार पांडुरंग पवार यांच्या फिर्यादीवरून सदर बाजार पोलीस ठाण्यात गुन्हा दाखल करण्यात आला.

किरकोळ कारणावरून एकास मारहाण

जालना : किरकोळ कारणावरून एकास मारहाण केल्याची घटना १ मार्च रोजी जाफराबाद तालुक्यातील वरखेडा येथे घडली. या प्रकरणी रघुनाथ बनसोडे यांच्या फिर्यादीवरून संशयित आरोपी लक्ष्मण संतोष जारे, आकाश जगन जारे (दोघे रा. देऊळझरी, ता. जाफराबाद) यांच्याविरुद्ध जाफराबाद पोलीस ठाण्यात गुन्हा दाखल करण्यात आला. पुढील तपास नापोकॉ जायभाये हे करीत आहेत.