शाळकरी मुलाला घरी बोलवून ठेवले त्याच्यासोबत संबंध, आजी हॉस्पिटलमध्ये असताना घेतला फायदा
By ऑनलाइन लोकमत | Published: November 23, 2021 05:38 PM2021-11-23T17:38:15+5:302021-11-23T17:38:46+5:30
UK : शिक्षिकेने आधी त्याला गोड बोलण्यात फसवलं आणि मग त्याला आपल्या घरी बोलवलं. तिथे त्याच्यासोबत संबंध ठेवले.
शाळकरी मुलाला घरी बोलवून ठेवले त्याच्यासोबत संबंध, आजी हॉस्पिटलमध्ये असताना घेतला फायदा
Next ब्रिटनच्या (UK) यॉर्कशायरमधून महिलेचा एक असा कारनामा समोर आला आहे, ज्याबाबत वाचून सगळेच हैराण झाले आहेत. इथे एका शिक्षिकेने तिच्या १५ वर्षीय विद्यार्थ्याचं लैंगिक शोषण केलं. शिक्षिकेने आधी त्याला गोड बोलण्यात फसवलं आणि मग त्याला आपल्या घरी बोलवलं. तिथे त्याच्यासोबत संबंध ठेवले. आता कोर्टाने महिलेला या गुन्ह्यासाठी ३ वर्षांची तुरूंगवासाची शिक्षा सुनावली आहे.
सोशल मीडियावर झाली होती मैत्री
'द सन' च्या रिपोर्टनुसार, महिला सर्वातआधी जेव्हा सोशल मीडियाच्या माध्यमातून या विद्यार्थ्याला भेटली तेव्हा तिचं वय २९ वर्षे होतं. यानंतर महिलेने विद्यार्थ्यासोबत जवळीक वाढवली आणि मग त्याला आपल्या घरी बोलवलं. महिलेने मुलासोबत शारीरिक संबंध ठेवल्याचं मान्य केलं. सोबतच तिने तिचा गुन्हाही मान्य केला आहे.
पीडित मुलाने आपल्या जबाबात कोर्टात सांगितलं की, महिलेचं वय आता ३२ वर्षे आहे. पण तिने आधीच माझा फायदा उचलला आणि माझ्यासोबत तिने हे सगळं तेव्हा केलं जेव्हा माझी आजी हॉस्पिटलमध्ये गंभीर स्थितीत होती. वकिलाने कोर्टाला सांगितलं की, दोघेही सोशल मीडियावर भेटले होते. त्यावेळी महिलेने तिचं वय २९ तर मुलाने १७ वर्षे लिहिलं होतं.
महिलेने त्याला घरी बोलवलं आणि....
सुनावणी दरम्यान कोर्टात वकिल रॉबिनसन यांनी सांगितलं की, महिलेने पीडित मुलाला किस केलं आणि मग वरच्या रूममध्ये नेऊन त्याच्यासोबत संबंध ठेवले. भेटीदरम्यान पीडितने महिलेला सांगितलं की, तो आता केवळ १५ वर्षांचा आहे. पण महिलेने काही ऐकलं नाही आणि त्याला आपली शिकार बनवलं. दोघांच्या मेसेजच्या माध्यमातून झालेल्या चॅटमधून समजलं की, पीडित महिलेला म्हणाला होता की, तो तिच्यावर प्रेम करतो. दोघे मेसेजच्या माध्यमातून सेक्स आणि पॉर्न कटेंटशी संबंधित गप्पा मारत होते.
पीडित कोर्टात दिलेल्या जबाबात सांगितलं की, जे काही झालं ते फार वाईट झालं. कारण महिला त्याच्यापेक्षा बरीच मोठी आहे. पण कदाचित तिने मला तिच्या जाळ्यात फसवलं होतं. तो म्हणाला की, १५ वय असल्याने इतरांप्रमाणे माझ्या मनातही या गोष्टीबाबत फार उत्सुकता होती. त्यावेळी माझ्या आजीची तब्येत बरी नव्हती. हे तिलाही माहीत होतं. मला वाटतं या महिलेने माझा गैरफायदा घेतला.